സർക്കാർ വികസനങ്ങളുടെ ഫോട്ടോ പ്രദർശനം ഇന്നും നാളെയും കുന്നംകുളത്ത് 

സർക്കാരിൻ്റെ അഞ്ചു വർഷത്തെ വികസനനേട്ടങ്ങൾ ജനങ്ങളിലെത്തിക്കുന്നതിനായി തൃശൂർ ജില്ലാ ഇൻഫർമേഷൻ ഓഫീസ് സംഘടിപ്പിക്കുന്ന  ഫോട്ടോ പ്രദർശനം ഇന്നും നാളെയും (ഫെബ്രുവരി 9,10) കുന്നംകുളത്ത് നടക്കും. പഴയ ബസ് സ്റ്റാൻഡ് പരിസരത്ത് രാവിലെ 9 മുതൽ വൈകീട്ട് 5 വരെയാണ് പ്രദർശനം സംഘടിപ്പിക്കുന്നത്.

തദ്ദേശ സ്വയംഭരണ വകുപ്പു മന്ത്രി എ സി മൊയ്തീൻ, നഗരസഭ ചെയർപേഴ്സൺ സീതാ രവീന്ദ്രൻ, സ്ഥിരം സമിതി അധ്യക്ഷന്മാർ തുടങ്ങിയവർ ഫോട്ടോ പ്രദർശനത്തിൽ പങ്കെടുക്കും.

ജില്ലയിൽ കൊടുങ്ങല്ലൂർ, ഇരിങ്ങാലക്കുട എന്നിവിടങ്ങളിലെ ഫോട്ടോ പ്രദർശനം പൂർത്തിയായി. തൃശൂർ, വടക്കാഞ്ചേരി എന്നിവിടങ്ങളിലും വരും ദിവസങ്ങളിൽ ഫോട്ടോ പ്രദർശനം നടത്തും.