ഇന്നലെ (മാർച്ച് 04) 11,477 പേർക്കു കോവിഡ് വാക്സിൻ നൽകി

ജില്ലയിൽ ഇന്നലെ (മാർച്ച് 04) മാത്രം 11,477 പേർക്കു കോവിഡ് വാക്സിൻ നൽകി. മുതിർന്ന പൗരന്മാർക്കും കോവിഡ് മുന്നണി പ്രവർത്തകർക്കും തെരഞ്ഞെടുപ്പ് ഉദ്യോഗസ്ഥർക്കുമാണ് ഈ ഘട്ടത്തിൽ വാക്സിൻ നൽകുന്നത്. 60 സെഷനുകളായാണ്  ഇന്നലെ വാക്സിനേഷൻ നൽകിയത്.

4,135 മുതിർന്ന പൗരന്മാർക്ക് ഇന്നലെ വാക്സിൻ നൽകി. 4,905 മുന്നണി പോരാളികൾ ആദ്യഘട്ട വാക്‌സിനും 76 പേർ രണ്ടാംഘട്ട വാക്‌സിനും സ്വീകരിച്ചു. ആരോഗ്യ പ്രവർത്തകരിൽ 553 പേർ ആദ്യ ഘട്ടവും 1,808 പേർ രണ്ടാം ഘട്ടവും വാക്സിൻ സ്വീകരിച്ചു.