ജില്ലയില് 4875 ബൂത്തുകള് സജ്ജം
2,753 പോളിങും സ്റ്റേഷനുകളും 2,122 ഓക്സിലറി പോളിങ് സ്റ്റേഷനുകളുമുള്പ്പടെ 4,875 പോളിങ് സ്റ്റേഷനുകളാണ് ജില്ലയിലുള്ളത്. കോവിഡിന്റെ പശ്ചാത്തലത്തില് ആയിരത്തിന് മുകളില് വോട്ടര്മാരുള്ള ബൂത്തുകളെ രണ്ടാക്കി വിഭജിക്കുന്നതിനാലാണിത്. എല്ലാ ബൂത്തുകളിലും വൈദ്യുതി, വെളിച്ച സംവിധാനം, കുടിവെള്ളം, ഭിന്നശേഷിക്കാര്ക്കായി റാമ്പ് സൗകര്യം തുടങ്ങി അടിസ്ഥാന സൗകര്യങ്ങള് ഒരുക്കിയിട്ടുണ്ട്.
ജില്ലയില് 76 ലോക്കേഷനുകളിലായി 194 ക്രിട്ടിക്കല് ബൂത്തുകളും 38 ലോക്കേഷനുകളിലായി 105 തീവ്രവാദ ഭീഷണിയുള്ള ബൂത്തുകളും രണ്ട് ലോക്കേഷനുകളിലായി ഒന്പത് വള്നറബിള് ബൂത്തുകളുമാണുള്ളത്. ഇവിടങ്ങളില് കേന്ദ്രസായുധ സേനയുടെ സാന്നിധ്യമുണ്ടാകും. 2100 ബൂത്തുകളില് ലൈവ് വെബ്കാസ്റ്റിങ് സംവിധാനമുണ്ടാകും. 86 ബൂത്തുകളില് മുഴുവന് സമയ വീഡിയോ റെക്കോര്ഡിങും ഉണ്ടാകും.
ബൂത്തുകളില് കോവിഡ് പ്രോട്ടോകോള് പാലിക്കുന്നുണ്ടെന്ന് ഉറപ്പുവരുത്താന് ഓരോ ബൂത്തിലേക്കും കോവിഡ് പ്രോട്ടോകോള് ഓഫീസറെ നിയമിച്ചിട്ടുണ്ട്. ഒരു ബൂത്തിലേക്ക് 700 മാസ്കുകളും 2000 ഗ്ലൗസുകളും നല്കും. ബൂത്തിലെത്തുന്ന വോട്ടറുടെ ശരീരതാപനില 37 ഡിഗ്രി സെല്ഷ്യസില് കൂടുതലാണെങ്കില് മൂന്ന് തവണ താപനില പരിശോധിക്കും. ഏതെങ്കിലും ഒരു തവണ താപനില കുറവാണെങ്കില് അപ്പേള് വോട്ട് ചെയ്യാന് അനുവദിക്കും. മൂന്ന് തവണയും കൂടുതലാണെങ്കില് കോവിഡ് രോഗികള്ക്കും നിരീക്ഷണത്തിലുമുള്ളവര്ക്കുള്ള വോട്ടിങ് സമയത്ത് മാത്രമേ വോട്ട് ചെയ്യാന് അനുവദിക്കൂ. ഇതിനായി ടോക്കണ് നല്കും.
- Log in to post comments