അട്ടപ്പാടിയിലെ പ്രശ്‌നങ്ങൾക്ക് പരിഹാരം കാണാൻ മന്ത്രിമാരുടെ നേതൃത്വത്തിൽ ഉന്നതതല യോഗം ഇന്ന് (ഡിസം. 1)

 അട്ടപ്പാടിയിലെ ആദിവാസി ജനത അഭിമുഖീകരിക്കുന്ന പ്രശ്‌നങ്ങൾക്ക് അടിയന്തിര പരിഹാരമുണ്ടാക്കാൻ  മന്ത്രിമാർ   ഉന്നതതല യോഗം ചേരും. ബുധനാഴ്ച രാവിലെ മന്ത്രിസഭാ യോഗത്തിനു ശേഷമാണിത്.  പട്ടിക വിഭാഗ ക്ഷേമ മന്ത്രി കെ രാധാകൃഷ്ണൻ മുൻ കൈയെടുത്ത് വിളിക്കുന്ന യോഗത്തിൽ തദ്ദേശ സ്വയം ഭരണ - എക്‌സൈസ് മന്ത്രി എം വി ഗോവിന്ദൻ, ധനമന്ത്രി കെ എൻ ബാലഗോപാൽ,  ആരോഗ്യ മന്ത്രി വീണാ ജോർജ്, ഭക്ഷ്യ മന്ത്രി ജി ആർ അനിൽ തുടങ്ങിയവരും ഉന്നത ഉദ്യോഗസ്ഥരും  പങ്കെടുക്കും. കഴിഞ്ഞ 27 ന് മന്ത്രി കെ രാധാകൃഷ്ണൻ അട്ടപ്പാടി സന്ദർശിച്ച ശേഷം മുഖ്യമന്ത്രി പിണറായി വിജയന് വിശദമായ റിപ്പോർട്ട് സമർപ്പിച്ചിരുന്നു.
പി.എൻ.എക്സ്. 4805/2021