തസ്തികമാറ്റ നിയമനം: സർട്ടിഫിക്കറ്റ് പരിശോധന തീയതിയായി

പൊതുവിദ്യാഭ്യാസ വകുപ്പ് ഹയർ സെക്കന്ററി വിഭാഗത്തിലെ എച്ച്.എസ്.എസ്.റ്റി (ജൂനിയർ) അധ്യാപക തസ്തികകളിലേക്കുള്ള തസ്തികമാറ്റ നിയമനത്തിനുള്ള പുതുക്കിയ പ്രൊവിഷണൽ സീനിയോറിറ്റി ലിസ്റ്റിൽ ഉൾപ്പെട്ടിട്ടുള്ള അധ്യാപകരുടെ/ ജീവനക്കാരുടെ സർട്ടിഫിക്കറ്റ് പരിശോധനാ തീയതിയായി.
പൊതുവിദ്യാഭ്യാസ വകുപ്പിൽ (ഹയർ സെക്കന്ററി വിഭാഗം) ഗവ. ഹയർ സെക്കന്ററി സ്‌കൂളുകളിലെ എച്ച്.എസ്.എസ്.റ്റി (ജൂനിയർ) തസ്തികകളിലേക്ക് യോഗ്യരായ എച്ച്.എസ്.എ, യു.പി.എസ്.എ/ എൽ.പി.എസ്.എ, മിനിസ്റ്റീരിയർ സ്റ്റാഫ് (ഹയർ സെക്കന്ററി വിഭാഗം) ലാബ് അസിസ്റ്റന്റ് (ഹയർ സെക്കന്ററി വിഭാഗം) വിഭാഗങ്ങളിൽ നിന്നും ഓൺലൈൻ മുഖേന അപേക്ഷ സമർപ്പിച്ച ഹിന്ദി, കെമിസ്ട്രി, ബോട്ടണി, കമ്പ്യൂട്ടർ സയൻസ്, കൊമേഴ്‌സ്, പോളിറ്റിക്കൽ സയൻസ്, ഇക്കണോമിക്‌സ്, ഫിസിക്‌സ്, സുവേളജി, ഗണിതം, മലയാളം എന്നീ വിഷയങ്ങളിലെ അധ്യാപകരുടെ/ ജീവനക്കാരുടെ സർട്ടിഫിക്കറ്റ് വേരിഫിക്കേഷനാണ് നടത്തുക. വിശദാംശങ്ങളടങ്ങിയ സർക്കുലർ www.hscap.kerala.gov.in, www.dhsekerala.gov.in എന്നിവയിൽ ലഭിക്കും.
പി.എൻ.എക്‌സ്. 1739/2022