വനിതാ സ്വയം തൊഴില് വായ്പ; അപേക്ഷ ക്ഷണിച്ചു
കേരള സംസ്ഥാന പട്ടികജാതി പട്ടികവര്ഗ്ഗ വികസന കോര്പ്പറേഷന് ദേശീയ പട്ടിക വര്ഗ്ഗ ധനകാര്യ വികസന കോര്പ്പറേഷന്റെ സഹായത്തോടെ നടപ്പിലാക്കുന്ന 2,00,000 രൂപ പദ്ധതി തുകയുള്ള 'ആദിവാസി മഹിളാ സശാക്തീകരണ് യോജന'ക്കു കീഴില് വായ്പ അനുവദിക്കുന്നതിനായി ജില്ലയിലെ പട്ടികവര്ഗ്ഗ വിഭാഗത്തിലുള്ള തൊഴില് രഹിതരായ യുവതികളില് നിന്നും അപേക്ഷ ക്ഷണിച്ചു. അപേക്ഷകര് പട്ടികവര്ഗ്ഗത്തില്പ്പെട്ട തൊഴില്രഹിതരും 18 നും 55 നും ഇടയില് പ്രായമുള്ളവരും ആയിരിക്കണം. കുടുംബ വാര്ഷിക വരുമാനം 3,00,000 രൂപയില് കവിയാന് പാടില്ല. പദ്ധതികള് പ്രകാരം അനുവദനീയമായ വായ്പ തുക ഉപയോഗിച്ച് ഏതൊരു സ്വയംതൊഴില് പദ്ധതിയിലും (കൃഷി ഒഴികെ) ഗുണഭോക്താവിന് ഏര്പ്പെടാം. വായ്പാതുക 4 ശതമാനം പലിശ സഹിതം 60 മാസഗഡുക്കളായി തിരിച്ചടക്കണം. തെരഞ്ഞെടുക്കപ്പെടുന്നവര് വായ്പയ്ക്ക് ഈടായി മതിയായ വസ്തുജാമ്യമോ, ഉദ്യോഗസ്ഥജാമ്യമോ ഹാജരാക്കണം. വിശദ വിവരങ്ങള്ക്കും അപേക്ഷാഫോറത്തിനും കോര്പ്പറേഷന്റെ ജില്ലാ ഓഫീസുമായി ബന്ധപ്പെടണം. ഫോണ്: 04936 202869, 9400068512.
- Log in to post comments