കിലെ മാധ്യമ അവാർഡ്: ഏപ്രിൽ 17 വരെ അപേക്ഷിക്കാം

തൊഴിലാളികളുടേയും തൊഴിൽ മേഖലയുടേയും ഉന്നമനത്തിനായി പ്രവർത്തിക്കുന്ന സർക്കാർ സ്വയംഭരണ സ്ഥാപനമായ കേരള ഇൻസ്റ്റിറ്റ്യൂട്ട് ഓഫ് ലേബർ ആന്റ് എംപ്ലോയ്മെന്റ് (കിലെ) - മാധ്യമ അവാർഡ് 2023ന് അപേക്ഷ ക്ഷണിച്ചു. കേരളത്തിലെ തൊഴിൽ മേഖലയെയും തൊഴിലാളികളെയും സംബന്ധിച്ച് കഴിഞ്ഞ ഒരു വർഷകാലയളവിൽ പത്രങ്ങൾ, വാരികകൾ എന്നിവയിൽ പ്രസിദ്ധീകരിച്ച സാമൂഹിക പ്രസക്തിയുള്ള മികച്ച ലേഖനങ്ങൾക്കാണ് അവാർഡ്. അവാർഡിന് പരിഗണിക്കേണ്ട ലേഖനങ്ങൾ / വാർത്തകൾ ആയത് നൽകിയ ലേഖകന്റെ വിശദവിവരങ്ങൾ സഹിതം ഏപ്രിൽ 17ന് വൈകീട്ട് നാല് മണിക്ക് മുമ്പായി എക്സിക്യൂട്ടീവ് ഡയറക്ടർ, കേരള ഇൻസ്റ്റിറ്റ്യൂട്ട് ഓഫ് ലേബർ ആൻറ് എംപ്ലോയ്മെൻറ് (കിലെ), തൊഴിൽ ഭവൻ, വികാസ് ഭവൻ പി.ഒ, തിരുവനന്തപുരം-33 എന്ന മേൽ വിലാസത്തിലോ kiletvm@gmail.com എന്ന ഇ-മെയിൽ വിലാസത്തിലോ, കിലെയുടെ ഓഫീസിൽ നേരിട്ടോ ലഭ്യമാക്കണം. വിവിധ മേഖലകളിലെ പ്രഗത്ഭരടങ്ങുന്ന പാനലാണ് മികച്ച ലേഖനം തെരഞ്ഞെടുക്കുന്നത്. മികച്ച ലേഖനത്തിന് 25,000 രൂപ ക്യാഷ് അവാർഡും, ഫലകവും പ്രശസ്തിപത്രവും നൽകും.
 
ഫോൺ: സൂര്യ ഹേമൻ, പബ്ലിസിറ്റി അസിസ്റ്റൻറ്: 884248109, 0471 2309002