കണക്ക് പിഴക്കരുത്; റേറ്റ് ചാര്ട്ടുണ്ട്
ലോക്സഭാ തിരഞ്ഞെടുപ്പില് സ്ഥാനാര്ഥികളും രാഷ്ട്രീയ പാര്ട്ടികളും ഉപയോഗിക്കുന്ന സാധനസാമഗ്രികളുടെ ചെലവ്് കണക്കാക്കാന് റേറ്റ് ചാര്ട്ട് പുറത്തിറക്കി. കസേര ഒരെണ്ണം ഏഴ് രൂപ, കൈയ്യില്ലാത്ത കസേര ഒരെണ്ണം നാല് രൂപ, മേശ ഒരെണ്ണം 25 രൂപ, ട്യൂബ് ലൈറ്റ് ഒരെണ്ണം 25 രൂപ, നെറ്റിപ്പട്ടം ഒരെണ്ണത്തിന് 600 രൂപ, മുത്തുക്കുട ഒരെണ്ണം 50 രൂപ എന്നിങ്ങന ചെറുതും വലുതുമായ 145 പ്രചാരണ സാമഗ്രികളുടെയും സേവനങ്ങളുടെയും വിലവിവര പട്ടികയാണ് പുറത്തിറക്കിയത്. നേരത്തെ പ്രസിദ്ധീകരിച്ച കരട് ചാര്ട്ടിന്മേല് രാഷ്ട്രീയ പാര്ട്ടികളുടെ നിര്ദ്ദേശങ്ങളും പരാതികളും കൂടി പരിഗണിച്ച ശേഷമാണ് അന്തിമ പട്ടിക പ്രസിദ്ധീകരിച്ചത്. ദിനപത്രങ്ങള്, ടെലിവിഷന്, എന്നിവയില് പരസ്യം നല്കുന്നതിനുള്ള റേറ്റ് ചാര്ട്ട് പ്രത്യേകമായി പ്രസിദ്ധീകരിക്കും.
താല്കാലിക തിരഞ്ഞെടുപ്പ് കമ്മിറ്റി ബൂത്ത് ഓരോ യൂണിറ്റിനും 200 രൂപ, വാഹനങ്ങളിലെ സ്റ്റേജ് (ചെറുത്) ഒരു ദിവസം 3000 രൂപ, വാഹനങ്ങളിലെ സ്റ്റേജ് (വലുത്) ഒരു ദിവസം 5000 രൂപ, സ്റ്റേജ് ഒരു സ്ക്വയര് ഫീറ്റ് 45 രൂപ, പോഡിയം ഒരു ദിവസം 200, ഓഡിയോ സോങ് റെക്കോര്ഡിംഗ് (സോളോ) പ്രൊഫഷണലായി കമ്പോസ് ചെയ്തത് ഒരെണ്ണം 5000, ക്ലോത്ത് ബാനര് സ്ക്വയര് ഫീറ്റിന് 22 രൂപ, കട്ട് ഔട്ട് (മരം കൊണ്ടുള്ള ഫ്രെയിം) സ്ക്വയര് ഫീറ്റിന് 55 രൂപ, തുണി കൊണ്ടുള്ള കട്ട് ഔട്ട് സ്ക്വയര് ഫീറ്റിന് 43 രൂപ, പോസ്റ്റര് (മള്ട്ടികളര്) 1000 പീസിന് 2500, കയ്യില് പിടിക്കുന്ന ചെറിയ പ്ലക്കാര്ഡുകള് ഒരെണ്ണത്തിന് 18 രൂപ, ഡ്രോണ് ക്യാമറ മണിക്കൂറിന് 300 രൂപ, എല് ഇ ഡി ടി വി 700 രൂപ, ആംപ്ലിഫയറും മൈക്രോഫോണുമുള്ള ലൗഡ് സ്പീക്കര് (2000 വാട്ട്) ഒരുക്കുന്നതിന് ഒരു ദിവസം 3100 രൂപയയു അധിക ദിവസത്തിന് 2000 രൂപ വീതവും, ഓര്ഡിനറി പന്തല് സ്ക്വയര് ഫീറ്റിന് എട്ട് രൂപ, സ്ഥാനാര്ഥികളുടെ പേര് പതിച്ച ടീ-ഷര്ട്ട് ഒരെണ്ണം 150 രൂപ, മൈക്ക് അനൗണ്സ്മെന്റിനായുള്ള സൗണ്ട് സിസ്റ്റം വാടകക്ക് ഒരെണ്ണം 1250 രൂപ, അനൗണ്സ് ചെയ്യുന്ന ആളുടെ കൂലി ഒരു ദിവസം 500 രൂപ, ചുവരെഴുത്ത് സ്ക്വയര് ഫീറ്റിന് 10 രൂപ, അനധികൃത ഫ്ളക്സ് ബോര്ഡുകള് നീക്കം ചെയ്യുന്നതിന് (വലുത്) ഒരു പീസ് 25 രൂപ, അനധികൃത ഫ്ളക്സ് ബോര്ഡുകള് നീക്കം ചെയ്യുന്നതിന് (ചെറുത്) ഒരു പീസ് 10 രൂപ, തോരണം നീക്കം ചെയ്യുന്നതിന് ഒരു മീറ്ററിന് രണ്ട് രൂപ, പോസ്റ്റര് നീക്കം ചെയ്യുന്നതിന് ഒന്നിന് നാല് രൂപ, ചുമരെഴുത്ത് നീക്കം ചെയ്യാന് ഒരു മീറ്ററിന് എട്ട് രൂപ, ബാഡ്ജ് ഒരു പീസിന് മൂന്ന് രൂപ, ബലൂണ് ഒരു പീസിന് ഒരു രൂപ, ആര്ട്ടിസ്റ്റ് റേറ്റ് ഒരു ദിവസം 650 രൂപ എന്നിങ്ങനെയാണ് മറ്റുള്ള നിരക്കുകള്.
- Log in to post comments