തൃശൂര്‍ പൂരം എക്‌സിബിഷന്‍; കുടുംബശ്രീ സ്റ്റാളിന് തുടക്കമായി
തൃശൂര്‍ പൂരം എക്‌സിബിഷനിലെ കുടുംബശ്രീ ഉത്പന്ന വിപണന സ്റ്റാളിന്റെ ഉദ്ഘാടനം ജില്ലാ മിഷന്‍ കോ-ഓര്‍ഡിനേറ്റര്‍ ഡോ. എ.കവിത നിര്‍വഹിച്ചു. ജില്ലയിലെ 50 ല്‍ പരം സംരംഭകരുടെ 200 ല്‍ അധികം ഉത്പന്നങ്ങളാണ് വിപണനത്തിനായി ഉള്ളത്. വിവിധ തരം ചിപ്‌സുകള്‍, സ്‌ക്വാഷുകള്‍, കൊണ്ടാട്ടങ്ങള്‍, ചക്ക വിഭവങ്ങള്‍, അച്ചാറുകള്‍, കുടംപുളി, കരകൗശല വസ്തുക്കള്‍, സോപ്പ്, ഷാംമ്പൂകള്‍, ടോയ്‌ലെറ്ററിസ്, കറി-ഫ്‌ളോര്‍ പൗഡറുകള്‍, മില്ലറ്റ് വിഭവങ്ങള്‍, മുരിങ്ങയില പൗഡര്‍, ക്യാപ്‌സ്യൂള്‍, വിവിധ തരം പുട്ടുപൊടികള്‍, ഭക്ഷ്യവിഭവങ്ങള്‍, ബാഗുകള്‍, സഞ്ചികള്‍, കുടകള്‍, നൈറ്റികള്‍, കിണര്‍ വലകള്‍, ഹെര്‍ബല്‍ ഉത്പ്പന്നങ്ങള്‍, കൊതുകു നിവാരിണികള്‍ തുടങ്ങിയവ എത്തിച്ചിട്ടുണ്ട്. കുടുംബശ്രീ അസി. ജില്ലാ മിഷന്‍ കോ-ഓര്‍ഡിനേറ്റര്‍മാരായ എസ്.സി നിര്‍മ്മല്‍, കെ.കെ പ്രസാദ്, സിജുകുമാര്‍, കുടുംബശ്രീ ജില്ലാ പ്രോഗ്രാം മാനേജര്‍മാരായ ശോഭു നാരായണന്‍, ആദര്‍ശ് പി ദയാല്‍, വിജയകൃഷ്ണന്‍ ആര്‍ ലൈവ്‌ലിഹുഡ് ബ്ലോക്ക് കോ-ഓര്‍ഡിനേറ്റര്‍മാര്‍, എം.ഇ.സിമാര്‍ എന്നിവര്‍ പങ്കെടുത്തു.
- Log in to post comments