ഏറ്റവുമധികം പോളിങ് വൈക്കത്തെ 50-ാം നമ്പർ പോളിങ് സ്‌റ്റേഷനിൽ

കോട്ടയം: കോട്ടയം ലോക്‌സഭ മണ്ഡലത്തിൽ ഏറ്റവുമധികം പോളിങും കുറവ് പോളിങും നടന്ന പോളിങ് സ്‌റ്റേഷനുകൾ വൈക്കം നിയമസഭ മണ്ഡലത്തിൽ. വൈക്കം അക്കരപ്പാടം ഗവൺമെന്റ് യു.പി.എസിലെ 50-ാം നമ്പർ പോളിങ് സ്‌റ്റേഷനിലാണ് ഏറ്റവും കൂടുതൽ പോളിങ് നടന്നത്, 84.93 ശതമാനം. ഇവിടെ മൊത്തം 823 വോട്ടർമാരാണുള്ളത്. ഇതിൽ 699 പേർ സമ്മതിദാനാവകാശം രേഖപ്പെടുത്തി. 357 പുരുഷൻമാരും 342 സ്ത്രീകളും വോട്ടുചെയ്തു.     
വൈക്കം വെള്ളൂർ കെ.എൻ.ആർ.സി.യിലെ 26-ാം നമ്പർ പോളിങ് സ്‌റ്റേഷനിലാണ് ഏറ്റവും കുറഞ്ഞ പോളിങ്, 42.19 ശതമാനം. ഇവിടുത്തെ 301 വോട്ടർമാരിൽ 127 പേരാണ് സമ്മതിദാനാവകാശം രേഖപ്പെടുത്തിയത്. 74 പുരുഷൻമാരും 53 സ്ത്രീകളും വോട്ട് ചെയ്തു.