Post Category
കണ്ണൂര്‍ കൈരളി ഷോറൂമില്‍ ആറന്മുള കണ്ണാടിയുടെ പ്രത്യേക പ്രദര്‍ശനവും വില്‍പനയും
കേരള കരകൗശല വികസന കോര്‍പ്പറേഷന്റെ കണ്ണൂര്‍ കൈരളി ഷോറൂമില്‍ ആറന്മുള കണ്ണാടിയുടെ പ്രത്യേക പ്രദര്‍ശന വിപണനമേള നവംബര്‍ ഒന്നിന് ആരംഭിക്കും. മേളയില്‍ ലോകപ്രശസ്തമായ ആറന്മുള കണ്ണാടികളുടെ വൈവിധ്യമാര്‍ന്ന ശ്രേണി പത്ത് ശതമാനം വിലക്കിഴിവില്‍ ലഭിക്കും. രസം ഉപയോഗിച്ചുണ്ടാക്കുന്ന കണ്ണാടികളില്‍ നിന്ന് വ്യത്യസ്തമായി ചില്ലിന് പകരം പ്രത്യേക ലോഹക്കൂട്ടില്‍ ആണ് ആറന്മുള കണ്ണാടി നിര്‍മ്മിക്കുന്നത്. കേരളത്തില്‍ നിന്നും ആദ്യമായി ഭൂപ്രദേശ സൂചിക ബഹുമതി ലഭിച്ചിട്ടുള്ള ഉല്‍പന്നങ്ങളില്‍പ്പെട്ടതാണ് ആറന്മുള കണ്ണാടി. ഇവയ്ക്ക് പുറമെ വൈവിധ്യമാര്‍ന്ന കരകൗശല ഉത്പന്നങ്ങളും മേളയില്‍ ലഭ്യമാണ്. നവംബര്‍ 15 ന് മേള സമാപിക്കും. ഫോണ്‍ : 0497 2700379
date
- Log in to post comments