ജലസ്രോതസുകളില് മാലിന്യം വലിച്ചെറിയുന്നവര്ക്കെതിരേ കര്ശന നടപടി: ജില്ലാ കളക്ടര്
ജലസ്രോതസുകളിലേക്കു മാലിന്യങ്ങള് വലിച്ചെറിയുന്നവര്ക്കെതിരെയും പ്ലാസ്റ്റിക്ക് മാലിന്യങ്ങള് കത്തിക്കുന്നവര്ക്കെതിരെയും ജില്ലാ ഭരണകൂടം കര്ശന നടപടിയെടുക്കുമെന്നു ജില്ലാ കളക്ടര് ഡോ.ഡി.സജിത്ത് ബാബു അറിയിച്ചു. തടവ് ശിക്ഷ ഉള്പ്പെടെയുള്ള ശിക്ഷാ നടപടികള് സ്വീകരിക്കും. തദ്ദേശ സ്വയംഭരണ സ്ഥാപനങ്ങള്, സ്വകാര്യവ്യക്തികള് തുടങ്ങിയവര് പൊതു ഇടങ്ങളില് പ്ലാസ്റ്റിക് മാലിന്യം ഉള്പ്പെടെയുള്ളവ കത്തിക്കുന്നത് ശ്രദ്ധയില്പ്പെട്ടാല് നടപടിയെടുക്കും. ഇങ്ങനെ ചെയ്താല് തദ്ദേശസ്ഥാപനങ്ങളിലെ ജനപ്രതിനിധികള്ക്കെതിരെ വ്യക്തിപരമായും നടപടികളെടുക്കും. കളക്ടറുടെ ചേംബറില് ചേര്ന്ന ഹരിതസഹായ സ്ഥാപനങ്ങളുടെ യോഗത്തിലാണ് ജില്ലാ കളക്ടര് ഈ തീരുമാനം അറിയിച്ചത്. ശുചിത്വ മിഷന് ജില്ലാ കോ ഓര്ഡിനേറ്റര് സി.രാധാകൃഷ്ണന്, ഹരിത കേരളം മിഷന് ജില്ലാ കോ ഓര്ഡിനേറ്റര് എം.പി സുബ്രഹ്മണ്യന്, ജില്ലാ പ്ലാനിംഗ് ഓഫീസര് നിനോജ് മേപ്പടിയത്ത് തുടങ്ങിയവര് യോഗത്തില് പങ്കെടുത്തു.
- Log in to post comments