നിയമസഭാ പിന്നാക്ക ക്ഷേമ സമിതി 23ന് മലപ്പുറത്ത്
കേരള നിയമസഭയുടെ പിന്നാക്ക സമുദായ ക്ഷേമം സംബന്ധിച്ച സമിതി 23ന് 10.30ന് മലപ്പുറം കളക്ട്രേറ്റ് കോണ്ഫറന്സ് ഹാളില് യോഗം ചേരും. മലപ്പുറം ജില്ലയില് നിന്ന് ലഭിച്ചതും സമിതിയുടെ പരിഗണനയിലിരിക്കുന്നതുമായ ഹര്ജികളില് ജില്ലാതല ഉദ്യേഗസ്ഥരില് നിന്ന് തെളിവെടുക്കും. സര്ക്കാര് സര്വ്വീസ്, പൊതുമേഖലാ സ്ഥാപനങ്ങള്, സര്വ്വകലാശാലകള്, തദ്ദേശസ്വയംഭരണ സ്ഥാപനങ്ങള്, സര്ക്കാര് നിയന്ത്രണത്തിലുളള മറ്റ് സ്ഥാപനങ്ങള് എന്നിവയിലെ നിയമനങ്ങളില് പിന്നാക്ക സമുദായത്തില്പ്പെട്ടവര്ക്ക് ലഭിക്കേണ്ട സാമൂദായിക പ്രാതിനിധ്യം സംബന്ധിച്ചും പിന്നാക്ക സമുദായക്കാര് നേരിടുന്ന വിദ്യാഭ്യാസപരവും സാമൂഹ്യപരവുമായ വിവിധ പ്രശ്നങ്ങളെ സംബന്ധിച്ചും പിന്നാക്ക സമുദായത്തില്പ്പെട്ട വ്യക്തികളില് നിന്നും സംഘടനാ ഭാരവാഹികളില് നിന്നും ഹര്ജികള്/നിവേദനങ്ങള് സ്വീകരിക്കും.ഹര്ജികളും നിവേദനങ്ങളും നല്കാനുളളവര് നിവേദനങ്ങള് ഒപ്പിട്ട് സമിതി ചെയര്മാനെ അഭിസംബോധന ചെയ്ത് നല്കണം
പി.എന്.എക്സ്.4631/18
- Log in to post comments