യുവജന കമ്മീഷന്‍ ദേശീയ യുവജന ദിനാഘോഷം  ജനുവരി 15 ന്

  സംസ്ഥാന യുവജന കമ്മിഷന്റെ ആഭിമുഖ്യത്തില്‍ ദേശീയ യുവജന ദിനാഘോഷം   ജനുവരി 15 ന്  സംഘടിപ്പിക്കും. തിരുവനന്തപുരം തൈക്കാട് ഗവണ്‍മെന്റ് ആര്‍ട്‌സ് കോളേജില്‍  സംഘടിപ്പിക്കുന്ന യുവജന ദിനാഘോഷത്തിന്റെ ഉദ്ഘാടനം രാവിലെ 10 ന്   സാംസ്‌കാരിക, ഫിഷറീസ്, യുവജനകാര്യ വകുപ്പ് മന്ത്രി സജി ചെറിയാന്‍ നിര്‍വ്വഹിക്കും. തിരുവനന്തപുരം മേയര്‍ ആര്യ രാജേന്ദ്രന്‍ വിശിഷ്ടാതിഥിയായി പങ്കെടുക്കും. യുവജനദിനാഘോഷത്തോടനുബന്ധിച്ച് യുവജന കമ്മീഷന്‍ സംസ്ഥാനതലത്തില്‍ നടത്തിയ ഇ.എം.എസ് സ്മാരക പ്രസംഗ മത്സരത്തിന്റയും ചെസ്സ് മത്സരത്തിന്റെയും വിജയികള്‍ക്കുള്ള സമ്മാനദാനവും വിവിധ കലാപരിപാടികളും ചടങ്ങില്‍ സംഘടിപ്പിക്കും.