ഉത്സവമേഖലകളായി പ്രഖ്യാപിച്ചു

കുന്നത്തൂര്‍ ആനയടി പഴയിടം ശ്രീ നരസിംഹസ്വാമി ക്ഷേത്രത്തിലെ തിരുവുത്സവത്തോടനുബന്ധിച്ച് ജുനവരി 29നും കൊട്ടിയം തഴുത്തല ശ്രീ മഹാഗണപതി ക്ഷേത്രത്തിലെ ഉത്സവത്തോടനുബന്ധിച്ച് ജനുവരി 30നും ആലപ്പാട് ശ്രീ മൂക്കുംപുഴ ദേവി ക്ഷേത്രത്തിലെ ഉത്സവത്തോടനുബന്ധിച്ച് ഫെബ്രുവരി അഞ്ചിനും ക്ഷേത്രങ്ങള്‍ക്ക് രണ്ട് കിലോമീറ്റര്‍ ചുറ്റളവിലുള്ള പ്രദേശങ്ങള്‍ ഉത്സവ മേഖലകളായി ജില്ലാ കലക്ടര്‍ പ്രഖ്യാപിച്ചു. ഇവിടങ്ങളില്‍ ഹരിതചട്ടം കര്‍ശനമായി പാലിക്കണം. അനധികൃതമായി മദ്യത്തിന്റെയും മറ്റു ലഹരി വസ്തുക്കളുടെയും വില്‍പന നടക്കുന്നില്ലെന്ന് ഉറപ്പുവരുത്താനും ഭക്ഷ്യസുരക്ഷ, ശബ്ദമലിനീകരണം, പരിസര മലിനീകരണം തുടങ്ങി പൊതുജനാരോഗ്യത്തെ ബാധിക്കുന്ന വിഷയങ്ങളിലും ക്രസമാധാനപാലനത്തിലും ബന്ധപ്പെട്ട വകുപ്പുകള്‍ നടപടി സ്വീകരിക്കാനും നിര്‍ദേശിച്ചു.