സ്കൂളുകള്‍ക്ക് പഠനോപകരണങ്ങൾ വിതരണം ചെയ്തു

മണ്ണഞ്ചേരി ഗ്രാമപഞ്ചായത്തിന് കീഴിലെ ആറ് എൽ പി സ്കൂളുകൾക്ക് പഠനോപകരണങ്ങൾ വിതരണം ചെയ്തു. തമ്പകച്ചുവട് ഗവ. യു പി സ്കൂളിൽ നടന്ന ചടങ്ങിൽ പി പി ചിത്തരഞ്ജൻ എംഎൽഎ വിതരണോദ്ഘാടനം നിർവഹിച്ചു. 2024-25 വർഷത്തെ പദ്ധതിയിൽ ഉൾപ്പെടുത്തി 49 ലക്ഷം രൂപ വിനിയോഗിച്ചാണ് വിദ്യാലയങ്ങൾക്ക് ലാപ്ടോപ്, ഫർണീച്ചറുകൾ, ഉച്ചഭക്ഷണത്തിനുള്ള പാത്രങ്ങൾ, പട്ടികജാതി-പട്ടികവർഗ വിദ്യാർഥികൾക്കുള്ള പഠനോപകരണങ്ങൾ എന്നിവ വിതരണം ചെയ്തത്. ചടങ്ങിൽ മണ്ണഞ്ചേരി ഗ്രാമപഞ്ചായത്ത്‌ പ്രസിഡന്റ് റ്റി വി അജിത് കുമാർ അധ്യക്ഷനായി. വൈസ് പ്രസിഡന്റ് പി എ ജുമൈലത്ത്, സ്ഥിരംസമിതി അംഗങ്ങളായ കെ ഉദയമ്മ, എം എസ് സന്തോഷ്‌, കെ പി ഉല്ലാസ്, വിദ്യാഭ്യാസ നിർവഹണ ഉദ്യോഗസ്ഥ എം ഉഷാകുമാരി, പിടിഎ പ്രസിഡന്റ്‌ ഇ കെ ജ്യോതിഷ്കുമാർ, മറ്റ് ജനപ്രതിനിധികൾ തുടങ്ങിയവർ പങ്കെടുത്തു.
(പിആർ/എഎൽപി/808)