പശുക്കുട്ടികളെ വിതരണം ചെയ്തു

രാമങ്കരി ഗ്രാമപഞ്ചായത്തിൽ ജനകീയ ആസൂത്രണ പദ്ധതിയുടെ ഭാഗമായി പശുക്കുട്ടി, പെണ്ണാട് എന്നിവയുടെ വിതരണ ഉദ്ഘാടനം പഞ്ചായത്ത്‌ പ്രസിഡന്റ്‌ ആർ രാജുമോൻ നിർവഹിച്ചു. പദ്ധതിയുടെ ഭാഗമായി 16 പശുക്കുട്ടികളെയും 14 പെണ്ണാടുകളെയുമാണ് വിതരണം ചെയ്തത്. വൈസ് പ്രസിഡന്റ്‌ ഷീന റെജപ്പൻ, വികസനകാര്യ സ്ഥിരംസമിതി അധ്യക്ഷ മോൾജി രാജേഷ്, രാമങ്കരി മൃഗാശുപത്രി വെറ്റിനറി ഡോ. വി വിബിൻ, ഭരണസമിതി അംഗങ്ങൾ, ഗുണഭോക്താക്കൾ, ഉദ്യോഗസ്ഥർ തുടങ്ങിയവർ പങ്കെടുത്തു.
(പിആർ/എഎൽപി/810)