കർഷക സദസ്സ് മെയ് രണ്ടിന്

കാലാവസ്ഥാ വ്യതിയാനവുമായി ബന്ധപ്പെട്ട പ്രാദേശിക കാർഷിക പ്രശ്നങ്ങൾ ചർച്ച ചെയ്യാൻ കണ്ണപുരം ഗ്രാമപഞ്ചായത്തിന്റെ നേതൃത്വത്തിൽ ഹരിതകേരളം മിഷൻ, കണ്ണൂർ ടെക്നീഷ്യൻ ആൻഡ് ഫാർമേഴ്സ് കോ ഓഡിനേഷൻ സൊസൈറ്റി (ടാഫ് കോസ്) എന്നിവയുടെ സഹകരണത്തോടെ കർഷക സദസ്സ് സംഘടിപ്പിക്കും. മെയ് രണ്ടിന് രാവിലെ 10 മണിക്ക് കണ്ണപുരം സഹകരണ ബാങ്ക് ഓഡിറ്റോറിയത്തിൽ എം. വിജിൻ എം.എൽ.എ ഉദ്ഘാടനം ചെയ്യും. കാർഷിക വിദഗ്ധർ, കർഷകർ തുടങ്ങിയവർ പങ്കെടുക്കും.