എന്റെ കേരളം പ്രദർശന വിപണനമേള 2025; മെയ് 4 മുതൽ 10 വരെ പാലക്കാട് സ്റ്റേഡിയം ബസ് സ്റ്റാന്റിന് സമീപത്തെ മൈതാനം

എന്റെ കേരളം പ്രദർശന വിപണനമേള 2025; മെയ് 4 മുതൽ 10 വരെ
പാലക്കാട് സ്റ്റേഡിയം ബസ് സ്റ്റാന്റിന് സമീപത്തെ മൈതാനം

വൈദ്യുതി വകുപ്പ് മന്ത്രി കെ.കൃഷണൻകുട്ടി ഉദ്ഘാടനം ചെയ്യും
തദ്ദേശ സ്വയംഭരണ എക്സൈസ് വകുപ്പ് മന്ത്രി എം.ബി. രാജേഷ് അധ്യക്ഷനാവും.

രണ്ടാം പിണറായി വിജയൻമന്ത്രി സഭയുടെ നാലാം വാർഷികത്തോടനുബന്ധിച്ച് ഇൻഫർമേഷൻപബ്ലിക് റിലേഷൻസ് വകുപ്പ് വിവിധ വകുപ്പുകളുടെ സഹകരണത്തോടെ മെയ് നാല് മുതൽപത്ത് വരെ എന്റെ കേരളം പ്രദർശന വിപണന മേള സംഘടിപ്പിക്കുന്നു.  പാലക്കാട് സ്റ്റേഡിയം ബസ്സ്റ്റാന്റിന് സമീപമുളള മൈതാനത്താണ് മേള നടക്കുക.  മെയ് നാലിന് വൈകീട്ട് അഞ്ചിന് വൈദ്യുതി വകുപ്പ് മന്ത്രി കെ. കൃഷ്ണൻകുട്ടിയാണ് മേള ഉദ്ഘാടനം ചെയ്യുക. തദ്ദേശ സ്വയംഭരണ എക്സൈസ് വകുപ്പ് മന്ത്രി എം.ബി. രാജേഷ് അധ്യക്ഷനാവും. രാവിലെ ഒമ്പത് മുതൽരാത്രി പത്ത് വരെയാണ് മേളയുടെ സമയക്രമം. പ്രവേശനം സൗജന്യമാണ്. പാർക്കിംഗ് സൗകര്യം ലഭ്യമാണ്.

എംപ്ലോയ്‌മെന്റ് എക്‌സ്‌ചേഞ്ചിന്റെ നേതൃത്വത്തിൽതൊഴിൽമേള, വനിത ശിശു വികസന വകുപ്പിന്റെ നേതൃത്വത്തിൽകുട്ടികൾക്കും കൗമാരക്കാർക്കുമായി സൗജന്യ കൗൺസലിങും , പൊലീസ് ഡോഗ് ഷോ, കുടുംബശ്രീയുടെ നേതൃത്വത്തിൽകൈമാറ്റ ചന്ത, ഫിഷ് സ്പാ, എ.ഐ പ്രദർശനവും ക്ലാസും  പാലക്കാടൻരുചിവൈഭവങ്ങളോടുകൂടിയ ഫുഡ് കോർട്ട്, സൗജന്യകുതിര സവാരി, ആധാർകാർഡ് എടുക്കാനും തെറ്റ് തിരുത്താനുൾപ്പടെ അക്ഷയയുടെ പ്രത്യേക സ്റ്റാൾ, സഹകരണ വകുപ്പിന്റെ പുഷ്പമേള, താരതമ്യേന വിലക്കുറവിൽകർഷകർഉത്പാദിപ്പിക്കുന്ന ഉൽപ്പന്നങ്ങളുടെ പ്രദർശനം, പൊതുജനങ്ങൾക്ക് പാട്ട് പാടാൻഅവസരം നൽകുന്ന സിംഗിങ് പോയിന്റ, പൊതുജനങ്ങളുടെ രേഖാചിത്രം സൗജന്യമായി വരക്കാൻകലാകാരനും മേളയിലുണ്ടാവും.  വ്യവസായ വകുപ്പ് സംരംഭകർക്കായി ഹെൽപ് ലൈൻസെന്ററും കൈത്തറി-കരകൗശലം, ഇലക്ട്രിക്കൽ, ഇലക്ട്രോണിക്സ് ഉപകരണങ്ങളുടെ പ്രദർശനവും മേളയിൽഉൾപ്പെടും.

കലാസാസ്‌കാരിക പരിപാടിയുടെ ഭാഗമായി ഗസൽനിശ, നാടൻകലകളുടെ അവതരണം, തോൽപാവക്കൂത്ത്, ഏകപാത്ര നാടകം, കണ്യാർകളി, വയലിൻഫ്യൂഷ്യൻ, പൊറാട്ട് നാടകം, ഭിന്നശേഷി കലാകാരന്മാരുടെ നൃത്യ നൃത്തങ്ങൾ, കോമഡി ഷോ, നാടകം, ടാറനാ ബാൻഡിന്റെ ഫ്യൂഷൻസംഗീതം, സ്വരലയ ഓർക്കസ്ട്രയുടെ സ്വര രാഗ സുധ സംഗീത മെഗാ ഷോ, ഭരതനാട്യം, ഇരുള നൃത്തം, പൊറാട്ട് കള, മോഹിനിയാട്ടം കച്ചേരി തുടങ്ങി നിരവധി പരിപാടികൾനടക്കും.

വിവിധ വകുപ്പുകളുടെ തീം-സർവീസ് സ്റ്റാളുകളും കൊമേഴ്ഷ്യൽസ്റ്റാളുകളും ഉൾപ്പെടെ 250ഓളം സ്റ്റാളുകൾമേളയുടെ ഭാഗമാകും. സമാപനം മെയ് 10-ന് മന്ത്രി എം.ബി രാജേഷ് ഉദ്ഘാടനം ചെയ്യും. മെയ് നാലിന് ഉദ്ഘാടന ദിവസം വൈകീട്ട് വാലിപറന്പ് ജങ്ഷൻ(സ്റ്റേഡിയം ബൈപാസ് ജംങ്ഷൻ) തുടങ്ങി മേള നഗരി വരെ ഘോഷയാത്രയുണ്ടാവും. കുതിര സവാരിയും ആയോധനകലയും ലഹരിവിരുദ്ധ കാമ്പയിനിന്റെ ഭാഗമായി ഫേസ് പെയിന്റിങ്ങും ഘോഷയാത്രയിൽഅണിനിരക്കും.