കുന്ദമംഗലം മണ്ഡലത്തില്‍ 4.93 കോടി രൂപയുടെ പ്രവൃത്തികള്‍ക്ക് അനുമതി

കുന്ദമംഗലം നിയോജക മണ്ഡലത്തില്‍ 4.93 കോടി രൂപയുടെ പ്രവൃത്തികള്‍ക്ക് തുക അനുവദിച്ചതായി പി ടി എ റഹീം എംഎല്‍എ അറിയിച്ചു. എംഎല്‍എയുടെ പ്രാദേശിക വികസന ഫണ്ട്, മണ്ഡലം ആസ്തി വികസന ഫണ്ട് എന്നിവയില്‍ നിന്നാണ് തുക അനുവദിച്ചത്.

കുന്ദമംഗലം ഗ്രാമപഞ്ചായത്തില്‍ പിലാശ്ശേരി ഗ്രാമോദയ വായനശാല കെട്ടിടം (15 ലക്ഷം), കൊല്ലരുകണ്ടി ചാത്തന്‍കാവ് റോഡ് (26 ലക്ഷം), ചെത്തുകടവ് മുഹമ്മദ് അബ്ദുറഹിമാന്‍ പാലം സര്‍വ്വീസ് റോഡ് ബാലന്‍സ് വര്‍ക്ക് (15 ലക്ഷം), പടനിലം ഗ്രൗണ്ട് നവീകരണം (50 ലക്ഷം), പൊയ്യ അങ്കണവാടി കെട്ടിട പൂര്‍ത്തീകരണം (5 ലക്ഷം), കരമ്മല്‍ നടപ്പാത (3 ലക്ഷം), പാറ്റയില്‍ കുഴിമയില്‍താഴം റോഡ് (6 ലക്ഷം), പൈങ്ങോട്ടുപുറം വിദ്യാദായനി വായനശാല കെട്ടിടം (3.8 ലക്ഷം), കുന്ദമംഗലം വില്ലേജ് ഓഫീസിന് ലാപ്‌ടോപ്പും മള്‍ട്ടി ഫങ്ഷന്‍ പ്രിന്ററും (60,000), സ്വാമിയേട്ടന്‍ പൊതുജന വായനശാലക്ക് ലാപ്‌ടോപ്പും പ്രോജക്ടറും (67,000), മര്‍കസ് ഗേള്‍സ് ഹയര്‍ സെക്കന്‍ഡറി സ്‌കൂളിന് ലാപ്‌ടോപ്പും പ്രോജക്ടറും (67,000) എന്നിങ്ങനെയാണ് തുക അനുവദിച്ചത്.

ചാത്തമംഗലം ഗ്രാമപഞ്ചായത്തിലെ പുള്ളന്നൂര്‍ ന്യൂ ഗവ. എല്‍.പി സ്‌കൂള്‍ കിച്ചണും ഡൈനിങ് ഹാളും നിര്‍മിക്കാന്‍ 25 ലക്ഷം, ചിറ്റാരിപ്പിലാക്കില്‍ അങ്കണവാടിക്ക് മുകളില്‍ സാംസ്‌കാരിക നിലയം നിര്‍മാണത്തിന് 20 ലക്ഷം, പാലക്കാടി പുള്ളന്നൂര്‍ ശിവക്ഷേത്രം റോഡിന് 20 ലക്ഷം, മാണിയേടത്ത്കുഴി കുന്നത്ത്കുഴി റോഡിന് 10 ലക്ഷം, വെള്ളന്നൂര്‍ ഗ്രൗണ്ട് നവീകരണത്തിന് 50 ലക്ഷം, ചാത്തമംഗലം എയുപി സ്‌കൂള്‍ കിച്ചണ്‍ കോംപ്ലക്‌സിന് 10 ലക്ഷം, തത്തമ്മപറമ്പ് നീലന്‍ കുഞ്ഞാലി റോഡിന് 5 ലക്ഷം, പുതിയോട്ടില്‍ റോഡിന് 5 ലക്ഷം, മേക്കാടത്ത്താഴം വാട്ടര്‍ ടാങ്ക് നവീകരണത്തിന് 4 ലക്ഷം, പുള്ളാവൂര്‍ സാന്ത്വനം ട്രസ്റ്റ് ആംബുലന്‍സിന് 13.6 ലക്ഷം, നായര്‍കുഴി ഗവ. ഹയര്‍ സെക്കന്‍ഡറി സ്‌കൂള്‍ ഐ.ടി ലാബിന് 2.84 ലക്ഷം എന്നിങ്ങനെയും അനുവദിച്ചു.

മാവൂര്‍ ഗ്രാമപഞ്ചായത്തില്‍ ചിറക്കല്‍-വീട്ടിക്കാട്ട് റോഡിന് 18 ലക്ഷം, കുതിരാടം ക്രഷര്‍-അരയങ്കോട് റോഡിന് 20 ലക്ഷം, എരഞ്ഞിപൂക്കാട്ട്-പുതിയോട്ടില്‍ റോഡിന് 6 ലക്ഷം, മേച്ചേരിക്കുന്ന് കുടിവെള്ള പദ്ധതി പൈപ്പ്‌ലൈന്‍ മാറ്റാന്‍ 4 ലക്ഷം, വളയന്നൂര്‍ നവശക്തി സാംസ്‌കാരിക നിലയം കെട്ടിട പൂര്‍ത്തീകരണത്തിന് 4.7 ലക്ഷം, പെരുവയല്‍ ഗ്രാമപഞ്ചായത്തിലെ കായലം വാര്യപ്പാടം റോഡിന് 10 ലക്ഷം, കള്ളാടിച്ചോല റോഡിന് 10 ലക്ഷം, പെരിങ്ങൊളം ഗവ. ഹയര്‍ സെക്കന്‍ഡറി സ്‌കൂള്‍ ഗ്രൗണ്ട് നവീകരണത്തിന് 25 ലക്ഷം, പാലാട്ട്പറമ്പ് പൊക്കിണംപറമ്പ് പാത്ത്‌വേക്ക് 3 ലക്ഷം, കായലം സംസ്‌കാരപോഷിണി വായനശാലക്ക് ലാപ്‌ടോപ്പും പ്രൊജക്ടറും വാങ്ങാന്‍ 67000, പെരിങ്ങൊളം ഗവ. ഹയര്‍ സെക്കന്‍ഡറി സ്‌കൂള്‍ ഐ.ടി ലാബിന് 3.52 ലക്ഷം എന്നിങ്ങനെ തുക മാറ്റിവെച്ചു.

പെരുമണ്ണ ഗ്രാമപഞ്ചായത്തിലെ ഒടിനിലം-തവിട്ടുചുരക്കുന്ന് റോഡിന് 20 ലക്ഷം, കണ്ണംചിന്നം പാലം പൂളക്കല്‍താഴം റോഡിന് 10 ലക്ഷം, കുഴിക്കണ്ടത്തില്‍ കുയ്യില്‍പറമ്പ് റോഡിന് 5 ലക്ഷം, പെരുമണ്‍പുറ ചാലില്‍മേത്തല്‍ റോഡിന് 5 ലക്ഷം, തയ്യില്‍താഴം വിളക്കാട്ട് റോഡിന് 5 ലക്ഷം, പാലത്തില്‍ കക്കില്‍പാടം റോഡിന് 8.34 ലക്ഷം, ഒളവണ്ണ ഗ്രാമപഞ്ചായത്തിലെ കൊടിനാട്ട്മുക്ക് കീരിപ്പാടം റോഡിന് 15 ലക്ഷം, മേലാമ്പുറത്ത്മീത്തല്‍ മണക്കോട്ട് മീത്തല്‍ റോഡിന് 10 ലക്ഷം, കൂടത്തുംപാറ ഗവ. എല്‍.പി സ്‌കൂള്‍ കെട്ടിടം വൈദ്യുതീകരണത്തിന് 5 ലക്ഷം, വാര്യത്ത് ലക്ഷംവീട് നടപ്പാതയും ഹാന്‍ഡിലും നിര്‍മിക്കാന്‍ 5 ലക്ഷം, നാഗത്തുംപാടം ചെറോട്ട്കുന്ന് റോഡിന് 5 ലക്ഷം, കുന്നംകുളങ്ങര എ.എല്‍.പി സ്‌കൂള്‍ സ്മാര്‍ട്ട് ക്ലാസ് റൂമിന് 77,000 എന്നിങ്ങനെയും തുക അനുവദിച്ചതായി പി.ടി.എ റഹീം എംഎല്‍എ പറഞ്ഞു.