ഹെല്‍ത്തി തരൂര്‍ : മെഗാ മെഡിക്കല്‍ ക്യാമ്പ് ഇന്ന്
തരൂര്‍ നിയോജക മണ്ഡലത്തിലെ സമഗ്ര ആരോഗ്യ പദ്ധതിയായ ഹെല്‍ത്തി തരൂരിന്റെ ഭാഗമായി നടത്തുന്ന മെഗാ മെഡിക്കല്‍ ക്യാമ്പ് ഇന്ന് (മെയ് 17).
ആലത്തൂര്‍ അസീസിയ ഹോസ്പിറ്റലുമായി ചേര്‍ന്നാണ് ക്യാമ്പ് സംഘടിപ്പിക്കുന്നത്. രാവിലെ ഒമ്പത് മുതല്‍ ഉച്ചക്ക് രണ്ട് വരെ വടക്കഞ്ചേരി ഇ.എം.എസ് സ്മാരക കമ്മ്യൂണിറ്റി ഹാളിലാണ് ക്യാമ്പ് നടത്തുന്നത്. പി.പി. സുമോദ് എം.ല്‍.എ ക്യാമ്പ് ഉദ്ഘാടനം ചെയ്യും.
ജനറല്‍ മെഡിസിന്‍, ഇ.എന്‍.ടി വിഭാഗം, എല്ല് രോഗ വിഭാഗം, ഗൈനക്കോളജി വിഭാഗം, സര്‍ജറി വിഭാഗം എന്നിവയിലെ വിദഗ്ധ ഡോക്ടര്‍മാരുടെ സൗജന്യ പരിശോധനയും ഹൈബ്രോ സ്‌കാന്‍, കൊളസ്‌ട്രോള്‍, ബി.എം.ഡി, എന്‍.സി.എസ്, ഷുഗര്‍ ടെസ്റ്റ്, ബി.പി പരിശോധന, മരുന്നുകള്‍ എന്നീ സൗജന്യ സേവനങ്ങളും മെഗാ മെഡിക്കല്‍ ക്യാമ്പില്‍ ഉണ്ടാവും.
മെഗാ മെഡിക്കല്‍ ക്യാമ്പ് നടത്തുന്നതിന്റെ ഭാഗമായി നടന്ന സംഘാടകസമിതി യോഗം പി. പി സുമോദ് എം.എല്‍.എ ഉദ്ഘാടനം ചെയ്തു. കാവശ്ശേരി പഞ്ചായത്ത് പ്രസിഡന്റ് സി.രമേഷ് കുമാര്‍ അധ്യക്ഷനായി.
- Log in to post comments