എന്റെ കേരളം : ഫോട്ടോയെടുക്കു, റീൽ ചെയ്യു സമ്മാനം നേടൂ

ഫോട്ടോയും റീലും എടുക്കാൻ ഇഷ്ടമാണോ എങ്കിൽ ഇതാ നിങ്ങൾക്ക് ഒരവസരം. സംസ്‌ഥാന സർക്കാരിന്റെ നാലാം വാർഷിക ആഘോഷത്തിൻ്റെ ഭാഗമായി മറൈൻ ഡ്രൈവ് മൈതാനത് നടക്കുന്ന എന്റെ കേരളം പ്രദർശന വിപണന മേളയിൽ ഫോട്ടോ, റീൽ മത്സരം സംഘടിപ്പിക്കുന്നു. 

മെയ്‌ 17 മുതൽ 23 വരെ നടക്കുന്ന മേളയിൽ നിന്നും പകർത്തുന്ന മികച്ച ചിത്രങ്ങൾക്കും, റീലുകൾക്കുമായാണ് മത്സരം സംഘടിപ്പിച്ചിരിക്കുന്നത്. മികച്ച ചിത്രത്തിനും, റീലിനും മെയ് 23 ന് നടക്കുന്ന സമാപന സമ്മേളനത്തിൽ സമ്മാനങ്ങൾ നൽകും. 

മത്സരത്തിൽ പങ്കെടുക്കാൻ താൽപര്യമുളളവർ ഫോട്ടോ അല്ലെങ്കിൽ റീൽ, ക്യാപ്ഷൻ, പേര്, വിലാസം, ഫോൺ നമ്പർ എന്നിവ സഹിതം ഫോട്ടോഗ്രാഫുകൾ entekeralamphotoekm@gmail.com എന്ന ഇ-മെയിലിലേക്കും റീലുകൾ entekeralamreelekm@gmail.com എന്ന ഇമെയിലിലേക്കും മെയ് 21 നകം അയക്കണം.

വിശദ വിവരങ്ങൾക്ക് 9496003217