ലോക ക്ഷീരദിനം സംസ്ഥാനതല ഉദ്ഘാടനം ജൂൺ 1 ന്

 ക്ഷീരവികസന വകുപ്പിന്റെ ആഭിമുഖ്യത്തിൽ സംഘടിപ്പിക്കുന്ന ലോക ക്ഷീരദിനത്തിന്റെ സംസ്ഥാനതല ഉദ്ഘാടനം ജൂൺ 1 ന് ടാഗോർ തീയേറ്ററിൽ ക്ഷീരവികസന മൃഗസംരക്ഷണ വകുപ്പ് മന്ത്രി ജെ. ചിഞ്ചുറാണി നിർവഹിക്കുന്നു. അഡ്വ. ആന്റണി രാജു എം എൽ എ അദ്ധ്യക്ഷത വഹിക്കുന്ന ചടങ്ങിൽ ഡോ ശശി തരൂർ എം പി മുഖ്യാതിഥിയാവും. തദ്ദേശസ്വയംഭരണ സ്ഥാപനങ്ങൾ, മൃഗസംരക്ഷണ വകുപ്പ്, മിൽമ, കേരള ലൈവ് സ്റ്റോക്ക് ഡെവലപ്പ്‌മെന്റ്‌ ബോർഡ്, കേരള ഫീഡ്സ്, ക്ഷീര സഹകരണ സംഘങ്ങൾ എന്നിവയുടെ സഹകരണത്തോടെ വിവിധ പരിപാടികളും ശില്പശാലയും നടക്കും.

പി.എൻ.എക്സ് 2366/2025