വിദ്യാഭ്യാസ-കായിക പ്രോത്സാഹന അവാര്‍ഡ് പദ്ധതി
കേരള മത്സ്യത്തൊഴിലാളി ക്ഷേമനിധി ബോര്‍ഡ് മുഖേനയുള്ള വിദ്യാഭ്യാസ-കായിക പ്രോത്സാഹന അവാര്‍ഡ് പദ്ധതി പ്രകാരം 2024-25 അധ്യയന വര്‍ഷത്തില്‍ എസ് എസ് എല്‍ സി / പ്ലസ്ടു പരീക്ഷയില്‍ ഉന്നത വിജയം നേടിയ മത്സ്യത്തൊഴിലാളികളുടെയും അനുബന്ധ മത്സ്യത്തൊഴിലാളികളുടേയും മക്കള്‍ക്ക് മത്സ്യത്തൊഴിലാളി ക്ഷേമനിധി ബോര്‍ഡില്‍ നിന്നും പാരിതോഷികം നല്‍കുന്നതിന്റെ കണ്ണൂര്‍ മേഖല ഉദ്ഘാടനവും പാരിതോഷിക വിതരണവും ജൂണ്‍ 14 ന് രാവിലെ 11 മണിക്ക് തയ്യില്‍ ശ്രീ കുറുമ്പ ഓഡിറ്റോറിയത്തില്‍ നടക്കും. കണ്ണൂര്‍ കോര്‍പ്പറേഷന്‍ നഗരാസൂത്രണ സ്റ്റാന്റിംഗ് കമ്മറ്റി ചെയര്‍മാന്‍ സയ്യിദ് സിയാദ് തങ്ങളുടെ അധ്യക്ഷതയില്‍ രജിസ്ട്രേഷന്‍ മ്യൂസിയം, പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം നിര്‍വ്വഹിക്കും. കായിക മത്സരങ്ങളില്‍ സംസ്ഥാന തലത്തിലും ദേശീയതലത്തിലും വിജയം കരസ്ഥമാക്കിയ മത്സ്യത്തൊഴിലാളികളുടെ മക്കള്‍ക്കും പാരിതോഷികം നല്‍കും.
- Log in to post comments