ലോകായുക്തയിൽ  ഡെപ്യൂട്ടേഷൻ നിയമനം

കേരള ലോകായുക്തയിൽ അസിസ്റ്റന്റ് തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ നിയമനത്തിന് സർക്കാർ സർവീസിൽ സമാന തസ്തികയിൽ ജോലി ചെയ്യുന്നവരിൽ നിന്നും അപേക്ഷ ക്ഷണിച്ചു. 37400-79000 രൂപ ശമ്പള സ്‌കെയിലുള്ളവർക്ക് അപേക്ഷിക്കാം. നിശ്ചിത ശമ്പള നിരക്കിലുള്ളവരുടെ അഭാവത്തിൽ, അതിന് താഴെയുള്ള ശമ്പള നിരക്കിലുള്ളവരെയും പരിഗണിക്കും. അപേക്ഷകർ നിരാക്ഷേപ സർട്ടിഫിക്കറ്റ്, കെ.എസ്.ആർ. പാർട്ട്-1 ലെ ഫോം 144, ഫോൺ നമ്പർ നിർബന്ധമായും ഉൾപ്പെടുത്തിയ ബയോഡാറ്റ സഹിതം അപേക്ഷിക്കണം. അപേക്ഷകൾ  മേലധികാരി മുഖേന 2025 ജൂലൈ 25 വൈകിട്ട് 5 മണിക്ക് മുൻപായി രജിസ്ട്രാർ, കേരള ലോകായുക്ത, നിയമസഭാ സമുച്ചയം, വികാസ് ഭവൻ പി.ഒ, തിരുവനന്തപുരം-33 എന്ന വിലാസത്തിൽ ലഭിക്കണം.

പി.എൻ.എക്സ് 3161/2025