വാക്ക്-ഇൻ-ഇൻ്റർവ്യു

എറണാകുളം ജില്ലയിലെ കടൽ രക്ഷാപ്രവർത്തനങ്ങൾക്കായി താല്ക്കാലികമായി സീ റസ്ക്യൂ ഗാർഡ്മാരെ നിയമിക്കുന്നതിന് കേരള ഫിഷറീസ് വകുപ്പ് വാക്ക്-ഇൻ-ഇൻ്റർവ്യു നടത്തുന്നു. ഒരു വർഷ ത്തേയ്ക്ക് കരാർ അടിസ്ഥാനത്തിലായിരിക്കും നിയമനം. രജിസ്ട്രേഡ് മത്സ്യത്തൊഴിലാളികൾ, ഗോവ നാഷണൽ ഇൻസ്റ്റിറ്റ്യൂട്ട് ഓഫ് സ്പോർട്‌സിൽ പരിശീലനം പൂർത്തിയായവർ, സീ റസ്ക്യൂ ഗാർഡായി ജോലി ചെയ്തുള്ള പ്രവൃത്തി പരിചയമുള്ളവർ, അതത് ജില്ലയിൽ താമസിക്കുന്നവർ, 2018-ലെ പ്രളയരക്ഷാ പ്രവർത്തനങ്ങളിൽ പങ്കെടുത്തവർ, ഉയർന്ന വിദ്യാഭ്യാസ യോഗ്യതയുള്ളവർ, അത്യാധുനിക കടൽരക്ഷാ ഉപകരണങ്ങൾ പ്രവർത്തിപ്പിക്കാനുള്ള പ്രാവീണ്യമുള്ളവർ തുടങ്ങിയവർക്കാണ് അപേക്ഷിക്കാൻ സാധിക്കുക. അപേക്ഷകർ 20 വയസിനും 60 വയസിനും മദ്ധ്യേ പ്രായമുള്ളവർ ആയിരിക്കണം. താല്‌പര്യമുള്ളവർ ഉദ്യോഗാർത്ഥികൾ പ്രായം, യോഗ്യത, മേൽവിലാസം എന്നിവ തെളിയിക്കുന്ന രേഖകൾ സഹിതം ജൂലൈ 23 രാവിലെ 11മണിക്ക് എറണാകുളം മേഖലാ ഫിഷറീസ് ഡെപ്യുട്ടി ഡയറക്ടറുടെ കാര്യാലയത്തിൽ നടക്കുന്ന അഭിമുഖത്തിൽ പങ്കെടുക്കേണ്ടതാണ്.