വനിതാ കമ്മീഷന്‍ അദാലത്ത്: എട്ടു പരാതികള്‍ തീര്‍പ്പാക്കി
സംപിസ്ഥാന വനിതാ കമ്മീഷന്‍ ഇടുക്കി ജില്ല അദാലത്തില്‍ എട്ട് പരാതികള്‍ തീര്‍പ്പാക്കി. സംസ്ഥാന വനിതാ കമ്മിഷന്‍ അംഗം അഡ്വ. എലിസബത്ത് മാമന്‍ മത്തായിയുടെ നേതൃത്വത്തില്‍ ജില്ലാ കളക്ടറേറ്റ് കോണ്‍ഫറന്‍സ് ഹാളില്‍ നടന്ന അദാലത്തില്‍ ആകെ 34 പരാതികളാണ് പരിഗണനയ്ക്കു വന്നത്. മൂന്നെണ്ണത്തില്‍ പോലീസ് റിപ്പോര്‍ട്ട് തേടി. 18 പരാതികള്‍ അടുത്ത അദാലത്തിലേക്കു മാറ്റി. മൂന്ന് പരാതികളില്‍ കൗണ്‍സിലിങ്ങിന് നിര്‍ദേശിക്കുകയും ചെയ്തു. പത്ത് പരാതികളില്‍ ആരും ഹാജരായില്ല.
കുടുംബപ്രശ്‌നങ്ങള്‍ ദാമ്പത്യബന്ധത്തിന്റെ തകര്‍ച്ചയ്ക്ക് വഴിയൊരുക്കുന്ന സാഹചര്യം സംസ്ഥാനത്ത് വര്‍ധിച്ചു വരികയാണെന്ന് വനിതാ കമ്മിഷന്‍ അംഗം അഡ്വ. എലിസബത്ത് മാമന്‍ മത്തായി പറഞ്ഞു. കുടുംബ വിഷയങ്ങളാണ് പ്രധാനമായും കമ്മീഷനു മുന്‍പില്‍ വരുന്നത്. മദ്യവും മയക്കുമരുന്നും വിവാഹേതരബന്ധങ്ങളും കുടുംബബന്ധങ്ങളുടെ താളം തെറ്റിക്കുന്നതില്‍ വലിയ സ്വാധീനം ചെലുത്തുന്നുണ്ട്. മാതാപിതാക്കളുടെ അമിതമായ ഇടപെടലും സൈ്വര്യമായ കുടുംബ പശ്ചാത്തലം ഇല്ലാതാക്കുന്നു. കുടുംബ ബന്ധങ്ങളെ ഊട്ടി ഉറപ്പിക്കുകയാണ് കമ്മീഷന്റെ പ്രധാന ചുമതലയെന്നും കമ്മീഷന്‍ അംഗം പറഞ്ഞു.
ഇടുക്കി വനിതാ പോലീസ് സ്‌റ്റേഷനിലെയും വനിതാ സെല്ലിലെയും ഉദ്യോഗസ്ഥരും അദാലത്തില്‍ പങ്കെടുത്തു.
വനിത കമ്മീഷൻ അദാലത്ത് - വീഡിയോ : https://we.tl/t-FOw6fA3Da9
- Log in to post comments