പിന്നാക്ക വിഭാഗ കമ്മീഷൻ സിറ്റിംഗ്

കേരള സംസ്ഥാന പിന്നാക്ക വിഭാഗ കമ്മീഷൻ ജൂലൈ 29 ന്  രാവിലെ 11 ന് തിരുവനന്തപുരം വെള്ളയമ്പലം അയ്യൻകാളി ഭവനിലുള്ള കമ്മീഷന്റെ കോർട്ട് ഹാളിൽ സിറ്റിംഗ് നടത്തും. ഉപാദ്ധ്യായ വിഭാഗത്തിലുൾപ്പെടുന്ന ഈഴവാത്തി-കാവുതീയ വിഭാഗങ്ങളെ പിന്നാക്ക പട്ടികയിൽ നിന്നും ഒഴിവാക്കണമെന്നാവശ്യപ്പെട്ട് ഉപാദ്ധ്യായ ക്ഷേമ സഭ സമർപ്പിച്ച ഹർജി, ഭാഷാ ന്യൂനപക്ഷത്തിന് 5 ശതമാനം പ്രത്യേക സംവരണം ഏർപ്പെടുത്തണമെന്ന ആവശ്യം സംബന്ധിച്ച് ഭാരതീയ കൊങ്കിണി ഭാഷാ വികാസ് സഭ സമർപ്പിച്ച നിവേദനം, ചവളക്കാരൻ സമുദായത്തിന്റെ വിവിധ ആവശ്യങ്ങൾ എന്നിവ സിറ്റിംഗിൽ പരിഗണിക്കും. കമ്മീഷൻ ചെയർമാൻ ജസ്റ്റിസ് ജി. ശശിധരൻ, മെമ്പർ സുബൈദാ ഇസ്ഹാക്ക്, കമ്മീഷൻ മെമ്പർ സെക്രട്ടറി എന്നിവർ പങ്കെടുക്കും.

പി.എൻ.എക്സ് 3490/2025