ഓങ്ങല്ലൂര് ഗ്രാമപഞ്ചായത്തില് വികസന സദസ്സ് ഇന്ന്
സംസ്ഥാന സര്ക്കാറിന്റെ ആഭിമുഖ്യത്തില് തദ്ദേശ സ്വയംഭരണ വകുപ്പും ഇന്ഫര്മേഷന് പബ്ലിക് റിലേഷന്സ് വകുപ്പും സംയുക്തമായി സംഘടിപ്പിക്കുന്ന വികസന സദസ്സ് ഇന്ന് (ഒക്ടോബര് 17 ) ഉച്ചയ്ക്ക് രണ്ടിന് മുഹമ്മദ് മുഹ്സിന് എം.എല്.എ ഉദ്ഘാടനം ചെയ്യും. ഓങ്ങല്ലൂര് ഗ്രാമപഞ്ചായത്ത് കണ്വെന്ഷന് സെന്ററില് നടക്കുന്ന പരിപാടിയില് ഗ്രാമപഞ്ചായത്ത് പ്രസിഡന്റ് രതി ഗോപാലകൃഷ്ണന് അധ്യക്ഷയാകും. പരിപാടിയില് വൈസ് പ്രസിഡന്റ് ടി.പി. രജീഷ്, വകുപ്പ് ഉദ്യോഗസ്ഥര്, വിവിധ ജനപ്രതിനിധികള്, വിവിധ രാഷ്ട്രീയ പാര്ട്ടി പ്രതിനിധികള് തുടങ്ങിയവര് പങ്കെടുക്കും.
പ്രാദേശികതലത്തില് വികസന ആശയങ്ങള് അവതരിപ്പിക്കുന്നതിനും പൊതുജനാഭിപ്രായം ഉള്ക്കൊള്ളുന്നതിനുമായാണ് വികസന സദസ് സംഘടിപ്പിക്കുന്നത്. ഗ്രാമപഞ്ചായത്ത്, നഗരസഭ, കോര്പ്പറേഷന് തലങ്ങളിലാണ് വികസന സദസുകള് നടക്കുക. പരിപാടിയില് ത്രിതല പഞ്ചായത്ത് അംഗങ്ങള്, മറ്റ് ജനപ്രതിനിധികള് ഉള്പ്പെടെ വിവിധ മേഖലകളിലെ വിദഗ്ധരും സമൂഹത്തിലെ വിവിധ മേഖലകളിലുള്ളവരും പങ്കെടുക്കും.
- Log in to post comments