ഡാക് അദാലത്ത് 29ന്

മഞ്ചേരി പോസ്റ്റല്‍ ഡിവിഷന്റെ ഡാക് അദാലത്ത് ഡിസംബര്‍ 29ന് വൈകീട്ട് മൂന്നിന് മഞ്ചേരി ഡിവിഷണല്‍ പോസ്റ്റല്‍ സൂപ്രണ്ടിന്റെ ഓഫീസില്‍ വച്ച് നടക്കും. മഞ്ചേരി ഡിവിഷന് കീഴിലെ പോസ്റ്റ് ഓഫീസുകളുമായി ബന്ധപ്പെട്ട പരാതികള്‍ അദാലത്തില്‍ പരിഗണിക്കും. കൗണ്ടര്‍ സേവനങ്ങള്‍ സേവിങ്സ് ബാങ്ക്, മണി ഓര്‍ഡര്‍ ഉള്‍പ്പടെ എല്ലാ തപാല്‍ സേവനങ്ങളെ കുറിച്ചുമുള്ള പരാതികള്‍ കേള്‍ക്കും. പരാതികള്‍ ഡിസംബര്‍ 26 ന് മുന്‍പായി വി.ജെ. രജനി,  പോസ്റ്റല്‍ സൂപ്രണ്ട്, മഞ്ചേരി ഡിവിഷന്‍, മഞ്ചേരി, 676121 എന്ന വിലാസത്തില്‍ അയക്കണം. കവറിന് മുകളില്‍ 'ഡിവിഷണല്‍ ഡാക് അദാലത്ത്, ഡിസംബര്‍  2025''എന്ന് എഴുതണം. പരാതി നല്‍കിയവര്‍ നിശ്ചിത സമയത്ത് നേരിട്ട് ഹാജരാകണം. ഫോണ്‍- 0483 2766840, 2762330.