അപകട മരണാനന്തര ധനസഹായം കൈമാറി

കേരള മോട്ടോർ തൊഴിലാളി ക്ഷേമനിധി ബോർഡ് എറണാകുളം ജില്ലാ ഓഫീസിൽ അംഗമായിരുന്ന പരേതനായ സജി ജോണിന്റെ കുടുംബത്തിന് ബോർഡ് അനുവദിച്ച ആനുകൂല്യങ്ങൾ കൈമാറി. സജി ജോണിന്റെ കോതമംഗലത്തുള്ള വസതിയിൽ വെച്ച് നടന്ന ചടങ്ങിൽ ബോർഡ് ചെയർമാൻ സി.കെ. ഹരികൃഷ്ണൻ, എഫ്.ഐ. ടി. ചെയർമാൻ ആർ അനിൽകുമാർ എന്നിവർ ചേർന്ന് ധനസഹായം കൈമാറി.

സജി ജോണിന്റെ ഭാര്യ മിജിക്കാണ് തുക കൈമാറിയത്. അപകട മരണാനന്തര ധനസഹായമായ രണ്ട് ലക്ഷം രൂപ, ശവസംസ്കാര ചെലവുകൾക്കായി 10,000 രൂപ, റീഫണ്ട് തുകയായ 28,497 രൂപ എന്നിവയുൾപ്പെടെയുള്ള ആനുകൂല്യങ്ങളാണ് നൽകിയത്.

ചടങ്ങിൽ ഉപദേശക സമിതി അംഗങ്ങളായ പി.ആർ പ്രസാദ്, മനോജ് ഗോപി, ട്രേഡ് യൂണിയൻ പ്രതിനിധികളായ കെ.എ. ജോയി, പി.പി. മൈതീൻഷാ, കെ.എ. നൗഷാദ്, അലിയാർ എം.എസ്, ക്ഷേമനിധി ബോർഡ് ജില്ലാ എക്സിക്യൂട്ടീവ് ഓഫീസർ എം.ഡി ആശാലത, അഡീഷണൽ ജില്ലാ എക്സിക്യൂട്ടീവ് ഓഫീസർ ബിന്ദു കെ. തങ്കപ്പൻ, ക്ലർക്ക് ലിഷ തുടങ്ങിയവർ പങ്കെടുത്തു.