കണക്ട് ടു വര്‍ക്ക് പദ്ധതി: സംസ്ഥാന തല ഉദ്ഘാടനം നാളെ (ബുധന്‍)

മത്സര പരീക്ഷകള്‍ക്ക് തയ്യാറെടുക്കുന്നവര്‍, സ്‌കില്‍ പരിശീലനം നടത്തുന്നവര്‍ എന്നിവര്‍ക്ക് പ്രതിമാസം 1000 രൂപ സ്‌കോളര്‍ഷിപ്പ് നല്‍കുന്ന കണക്ട് ടു വര്‍ക്ക് പദ്ധതിയുടെ സംസ്ഥാനതല ഉദ്ഘാടനം  നാളെ (ബുധന്‍) വൈകിട്ട് 4.30 ന് കനകക്കുന്നില്‍ മുഖ്യമന്ത്രി നിര്‍വഹിക്കും.

എംപ്ലോയ്‌മെന്റ് എക്സ്ചേഞ്ചുകള്‍ മുഖേനയാണ് പദ്ധതി നടപ്പിലാക്കുന്നത്. അപേക്ഷകര്‍ കേരളത്തില്‍ സ്ഥിരതാമസക്കാരായ 18 പൂര്‍ത്തിയായവരും 30 വയസ്സ് കവിയാത്തവരുമായിരിക്കണം. കുടുംബ വാര്‍ഷിക വരുമാനം അഞ്ച് ലക്ഷം രൂപയില്‍ കവിയാന്‍ പാടില്ല. Eemployment.Kerala.gov.in പോര്‍ട്ടല്‍ മുഖേന ഓണ്‍ലൈനായാണ് അപേക്ഷിക്കേണ്ടത്.