ഡാക്ക് അദാലത്ത് 23ന്

തിരുവനന്തപുരം ആർ.എം.എസ് ഡിവിഷന്റെ പരിധിയിൽപ്പെടുന്ന തപാൽ സേവനങ്ങളെ സംബന്ധിച്ച പരാതികളും നിർദ്ദേശങ്ങളും പരിഗണിക്കുന്നതിന് വേണ്ടിയുള്ള ഡാക് അദാലത്ത് മാർച്ച് 23 രാവിലെ 11ന് ഗൂഗിൾ മീറ്റ് വഴി നടത്തും. അദാലത്തിൽ പരിഗണിക്കാനുള്ള പരാതികളും നിർദ്ദേശങ്ങളും പരാതിക്കാരന്റെ ഇ-മെയിൽ ഐഡി/ വാട്‌സ്ആപ് നമ്പർ സഹിതം താഴെ പറയുന്ന ഇ-മെയിൽ ഐഡിയിലേക്കോ മേൽവിലാസത്തിലേക്കോ 17നകം കിട്ടത്തക്കവിധം അയക്കണം. ഗൂഗിൾ മീറ്റ് ലിങ്ക് പരാതിക്കാരന് മൊബൈൽ നമ്പർ/ ഇ-മെയിൽ വഴി നൽകും. ഇ-മെയിൽ: ssrmtv.keralapost@gmail.com/ rmsdotv.kl@indiapost.gov.in മേൽവിലാസം: സീനിയർ സൂപ്രണ്ട്, തിരുവനന്തപുരം RMS TV ഡിവിഷൻ, തിരുവനന്തപുരം -695023.

പി.എൻ.എക്‌സ്. 1146/2026