വോട്ടേഴ്സ് ബോധവത്ക്കരണ പരിപാടി സംഘടിപ്പിച്ചു

തിരുവനന്തപുരം സ്വീപ്പിന്റെ നേതൃത്വത്തിൽ ശ്രീകാര്യം നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് ആൻഡ് ഹിയറിംഗിൽ വോട്ടർമാരുടെ ബോധവൽക്കരണ പരിപാടി നടന്നു. ബധിരരും കേൾവിക്കുറവുള്ളവരും കേൾവിക്കുറവുള്ളവരുമായ വിദ്യാർത്ഥികൾക്കായി സംഘടിപ്പിച്ച പരിപാടിയിൽ അസിസ്റ്റന്റ് കളക്ടറും സ്വീപ്പ്  നോഡൽ ഓഫിസറുമായ സി.ശിവശക്തിവേൽ മുഖ്യാതിഥിയായിരുന്നു. നിഷിന്റെ മുൻ എക്സിക്യൂട്ടീവ് ഡയറക്ടർ ഡോ.സുജ കുന്നത്ത് അധ്യക്ഷത വഹിച്ചു.

വോട്ടിംഗ് പ്രക്രിയ വിശദീകരിക്കുന്ന വീഡിയോ ചടങ്ങിൽ പ്രദർശിപ്പിച്ചു, തുടർന്ന് ഇന്ത്യാ ഗവൺമെന്റിന്റെ സംസ്ഥാനതല മാസ്റ്റർ ട്രെയിനർ അജയകുമാർ വിദ്യാർത്ഥികളുടെ സംശയങ്ങൾക്ക് മറുപടി നൽകി. സ്വീപ്പ് ടീമംഗം ബിനു കുമാർ എ.എൽ വിദ്യാർത്ഥികൾക്ക് പ്രതിജ്ഞ ചൊല്ലിക്കൊടുത്തു.

ബധിരരും കേൾവിക്കുറവുള്ളവരുമായ വിദ്യാർത്ഥികൾ അവതരിപ്പിച്ച സ്കിറ്റ് ഏറെ ​ഹൃദ്യമായി. മുഴുവൻ പരിപാടിയും ഇന്ത്യൻ ആംഗ്യഭാഷയിൽ തത്സമയം വ്യാഖ്യാനിക്കുന്നതിന് സൗകര്യം ഒരുക്കിയിരുന്നു. ആംഗ്യഭാഷയിൽ ദേശീയഗാനം ആലപിച്ചാണ് പരിപാടിക്ക് സമാപനം കുറിച്ചത്.

നിഷ് മാരിഗോൾഡ് ഓഡിറ്റോറിയത്തിൽ നടന്ന പരിപാടിയിൽ നിഷ് നിയമസഭാ തിരഞ്ഞെടുപ്പുകളുടെ കോളേജ് നോഡൽ ഓഫീസർ ഡോ. അനു മുകുന്ദ്, ഡോ. രാജി ഗോപാൽ, സ്വീപ്പ് ടീമം​ഗങ്ങൾ തുടങ്ങിയവർ പങ്കെടുത്തു.