ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ വിവിധ കോഴ്‌സുകള്‍ക്ക് അപേക്ഷകള്‍ ക്ഷണിച്ചു

ടൂറിസം വകുപ്പിന് കീഴില്‍ പ്രവര്‍ത്തിക്കുന്ന പെരിന്തല്‍മണ്ണ ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ 2026-27 അധ്യയന വര്‍ഷത്തെ പി.എ.സി അംഗീകൃത തൊഴിലധിഷ്ഠിത ഹോട്ടല്‍ മാനേജ്‌മെന്റ് കോഴ്‌സുകള്‍ക്ക് അപേക്ഷ ക്ഷണിച്ചു. ഫുഡ് ആന്‍ഡ് ബിവറേജ് സര്‍വീസ്, ഫുഡ് പ്രൊഡക്ഷന്‍, ഹോട്ടല്‍ അക്കോമഡേഷന്‍ ഓപ്പറേഷന്‍സ്, ഫ്രണ്ട് ഓഫീസ് ഓപ്പറേഷന്‍ എന്നീ കോഴ്സുകളിലേക്കാണ് അപേക്ഷ ക്ഷണിച്ചത്. പ്ലസ്ടു അല്ലെങ്കില്‍ അതിന് മുകളിലുള്ള യോഗ്യതയുള്ളവര്‍ക്ക് മുന്‍ഗണന ലഭിക്കും. അപേക്ഷാ ഫോമും പ്രോസ്‌പെക്ടസും സ്ഥാപനം വഴിയും അല്ലെങ്കില്‍ www.fcikerala.org എന്ന വെബ്‌സൈറ്റ് വഴിയും ലഭിക്കും. അപേക്ഷകള്‍ ജൂണ്‍ 15ന്  വൈകിട്ട് അഞ്ചിനകം മങ്കടയിലുള്ള ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ ഓഫീസില്‍ ലഭിക്കും.
എസ്.സി, എസ്.ടി, ഒ.ഇ.സി. വിഭാഗങ്ങളില്‍പ്പെട്ട വിദ്യാര്‍ഥികള്‍ക്ക് സ്‌റ്റൈപന്റോടെയുള്ള പഠനം സൗജന്യമാണ്. ഇ-ഗ്രാന്റ് സ്‌കോളര്‍ഷിപ്പ് വഴി മറ്റു വിഭാഗങ്ങളില്‍ പെട്ടവര്‍ക്ക് സൗജന്യ ആനുകൂല്യങ്ങള്‍ ലഭിക്കും. കൂടുതല്‍ വിവരങ്ങള്‍ ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ട്, സി.ടി ആര്‍ക്കേഡ്, മഞ്ചേരി റോഡ്, മങ്കട ടൗണ്‍ എന്ന വിലാസത്തില്‍ ലഭിക്കും. ഫോണ്‍-0493-3295733, 9539367285.