വ്യവസായ സംരംഭ ലൈസന്സ് ;24 അപേക്ഷകളില് തീര്പ്പു കല്പ്പിച്ചു
ജില്ലയിലെ വ്യവസായ സംരംഭകരുടെ ലൈസന്സ് അപേക്ഷകളുമായി ബന്ധപ്പെട്ട് ജില്ലാതല ഏകജാലക ക്ലിയറന്സ് ബോര്ഡിന്റെയും പരാതിപരിഹാര സമിതിയുടെയും യോഗം ജില്ലാകളക്ടര് ചേതന്കുമാര് മീണയുടെ അധ്യക്ഷതയില് നടന്നു. ലൈസന്സുമായി ബന്ധപ്പെട്ട 39 അപേക്ഷകള് പരിഗണിച്ചു. 24 എണ്ണത്തില് തീര്പ്പു കല്പ്പിച്ചു. ബാക്കിയുള്ള അപേക്ഷകള് ന്യൂനതകള് പരിഹരിച്ചു സമര്പ്പിക്കാന് നിര്ദേശം നല്കി.വ്യവസായ സംരംഭങ്ങള്ക്ക് സമയബന്ധിതമായി ലൈസന്സ് ലഭിക്കുന്നതിന് ജില്ലാ കളക്ടര് ചെയര്മാനും ജില്ലാ വ്യവസായ കേന്ദ്രം ജനറല് മാനേജര് കണ്വീനറുമായി പ്രവര്ത്തിക്കുന്ന സംവിധാനമാണ് ഏകജാലക ക്ലിയറന്സ് ബോര്ഡ്. ജില്ലാ-താലൂക്ക് വ്യവസായ കേന്ദ്രങ്ങളിലാണ് അപേക്ഷ സ്വീകരിക്കുന്നത്. തദ്ദേശ സ്വയംഭരണം, നഗരാസൂത്രണം, മൈനിംഗ് ആന്ഡ് ജിയോളജി, റവന്യൂ , ജി.എസ്.ടി, പൊതുമരാമത്ത് , കൃഷി എന്നീ വകുപ്പുകളുടെയും മലിനീകരണ നിയന്ത്രണ ബോര്ഡ്, ഫാക്ടറീസ് ആന്ഡ് ബോയിലേഴ്സ്, കെഎസ്ഇബി എന്നിവയുടെയും ജില്ലാ മേധാവികളും വിവിധ തദ്ദേശ സ്വയംഭരണ സ്ഥാപനങ്ങളുടെ അധ്യക്ഷന്മാരും പങ്കെടുത്തു.
- Log in to post comments