*സ്പോർട്സ് കിറ്റ് വിതരണം ചെയ്തു*

കുടുംബശ്രീ മിഷൻ നൂൽപ്പുഴ സിഡിഎസ് സ്പെഷ്യൽ പ്രോജക്ടിൻ്റെ ഭാഗമായി യൂത്ത് ക്ലബ്ബുകൾക്ക് സ്പോർട്സ്കിറ്റ് വിതരണം ചെയ്തു. ജില്ലയിൽ അഞ്ച് സ്പെഷ്യൽ പ്രോജക്ടുകളാണ് നിലവിലുള്ളത്. അതിൽ നൂൽപ്പുഴ സിഡിഎസ് പരിധിയിലുള്ള 11 യൂത്ത് ക്ലബ്ബുകൾക്കാണ് കിറ്റ് നൽകിയത്. ജേഴ്സി, ചെസ്സ് ബോർഡ്, കാരംസ് ബോർഡ്, ഫുട്ബോൾ, ബാറ്റ്, ഷട്ടിൽ ബാറ്റ് തുടങ്ങി 18 ഇനങ്ങളാണ് കിറ്റിലുള്ളത്. യുവതലമുറയ്ക്ക് കായികമായും കലാപരമായും പ്രോത്സാഹനം നൽകുക, കുട്ടികളുടെ കായികക്ഷമത വർധിപ്പിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. നൂൽപ്പുഴ ഗ്രാമപഞ്ചായത്ത് വൈസ് പ്രസിഡൻ്റ് എൻ.എ ഉസ്മാൻ പരിപാടി ഉദ്ഘാടനം ചെയ്തു. സിഡിഎസ് ചെയർപേഴ്സൺ അഖില എബി അധ്യക്ഷയായി. വാർഡ് അംഗം പ്രേമ മോഹനൻ, ട്രൈബൽ ഓഫീസർ, ജില്ലാ പ്രോഗ്രാം മാനേജർ, ബ്ലോക്ക് കോ ഓർഡിനേറ്റർ തുടങ്ങിയവർ സംസാരിച്ചു.