ഇൻഡസ്ട്രിയൽ ട്രൈബ്യൂണൽ സിറ്റിങ്

        കൊല്ലം ഇൻഡസ്ട്രിയൽ ട്രൈബ്യൂണൽ അധ്യക്ഷ സുനിതാറാണി ആഗസ്റ്റ് മാസത്തിലെ വിവിധ തീയതികളിൽ ജില്ലയിലെ വിവിധ കേന്ദ്രങ്ങളിൽ സിറ്റിങ് നടത്തും. ഓഗസ്റ്റ് 3, 10, 17, 24 തീയതികളിൽ കോട്ടയം സിവിൽ സ്റ്റേഷൻ ബാർ അസോസിയേഷൻ ഹാളിലും, ഓഗസ്റ്റ് 5-ന് പുനലൂർ മിനി സിവിൽ സ്റ്റേഷൻ ബാർ അസോസിയേഷൻ ഹാളിലും, ഓഗസ്റ്റ് 18-ന് തൊടുപുഴ കോടതി സമുച്ചയത്തിലും, ഓഗസ്റ്റ് 22-ന് പീരുമേട് ഇൻഡസ്ട്രിയൽ ട്രൈബ്യൂണൽ ഓഫീസിലും സിറ്റിങ് ഉണ്ടായിരിക്കും. മറ്റ് പ്രവൃത്തിദിനങ്ങളിൽ ആസ്ഥാനത്തും സിറ്റിങ് നടത്തും. ഈ ദിവസങ്ങളിൽ തൊഴിൽ തർക്ക കേസുകൾ, എംപ്ലോയീസ് സ്റ്റേറ്റ് ഇൻഷുറൻസ് (ESI) കേസുകൾ, എംപ്ലോയീസ് കോമ്പൻസേഷൻ കേസുകൾ എന്നിവയുടെ വിചാരണ നടക്കും. കൂടുതൽ വിവരങ്ങൾക്ക്: 0474-2792892.

പി.എൻ.എക്‌സ്. 3054/2026