സാഫ് തൃശ്ശൂര് നോഡല് ഓഫീസില് ഒഴിവുകള്: വാക്ക് ഇന് ഇന്റര്വ്യൂ ഓഗസ്റ്റ് 13-ന്
ഫിഷറീസ് വകുപ്പിന് കീഴിലുള്ള സൊസൈറ്റി ഫോര് അസിസ്റ്റന്സ് ടു ഫിഷര്വിമെന് (സാഫ്) തൃശ്ശൂര് നോഡല് ഓഫീസിലേക്ക് കരാര് അടിസ്ഥാനത്തില് താത്കാലിക നിയമനത്തിനായി വാക്ക് ഇന് ഇന്റര്വ്യൂ നടത്തുന്നു. ഓഫീസ് അസിസ്റ്റന്റ്, ഫെസിലിറ്റേറ്റര് എന്നീ തസ്തികകളില് ഓരോ ഒഴിവുകളാണുള്ളത്.
ഏതെങ്കിലും വിഷയത്തിലുള്ള ബിരുദവും കമ്പ്യൂട്ടറില് ഇംഗ്ലീഷ്, മലയാളം ടൈപ്പിംഗ് പരിജ്ഞാനവുമാണ് ഓഫീസ് അസിസ്റ്റന്റ് തസ്തികയ്ക്കുള്ള യോഗ്യത. ബിരുദവും കമ്പ്യൂട്ടറില് പ്രായോഗിക പരിജ്ഞാനവുമാണ് ഫെസിലിറ്റേറ്റര് തസ്തികയ്ക്ക് വേണ്ടത്. ഇരു തസ്തികകള്ക്കും 35 വയസ് കവിയരുത്. ഫിഷറീസ് വകുപ്പില് ജോലി ചെയ്ത് മുന്പരിചയമുള്ളവര്ക്ക് വയസില് അഞ്ച് വര്ഷത്തെ ഇളവ് ലഭിക്കും. മല്സ്യത്തൊഴിലാളി കുടുംബങ്ങളില് നിന്നുള്ളവര്ക്ക് മുന്ഗണന. 12,000 രൂപയാണ് പ്രതിമാസ ശമ്പളം.
താത്പര്യമുള്ള ഉദ്യോഗാര്ത്ഥികള് ബയോഡേറ്റ, വിദ്യാഭ്യാസ യോഗ്യത, വയസ്, മുന്പരിചയം എന്നിവ തെളിയിക്കുന്ന രേഖകളുടെ അസലും പകര്പ്പും സഹിതം 2026 ഓഗസ്റ്റ് 13 വ്യാഴാഴ്ച രാവിലെ 10.30 ന് അഴീക്കോട് റീജിയണല് ഷ്രിമ്പ് ഹാച്ചറിയില് നടക്കുന്ന ഇന്റര്വ്യൂവില് നേരിട്ട് ഹാജരാകേണ്ടതാണ്. കൂടുതല് വിവരങ്ങള്ക്ക് പ്രവൃത്തി സമയങ്ങളില് 0480-2819698 എന്ന ഫോണ് നമ്പറില് ബന്ധപ്പെടാം.
- Log in to post comments