ഗാർഹിക എൽപിജി ബുക്കിംഗ് കാലയളവ് കുറയ്ക്കണം: മന്ത്രി അനൂപ് ജേക്കബ്

        ഓണക്കാലത്ത് ഗാർഹിക പാചകവാതക വിതരണത്തിനുള്ള കാത്തിരിപ്പ് കാലയളവ് കുറയ്ക്കണമെന്ന് അഭ്യർഥിച്ച് സംസ്ഥാന ഭക്ഷ്യ-സിവിൽ സപ്ളൈസ് വകുപ്പ് മന്ത്രി അനൂപ് ജേക്കബ്, കേന്ദ്ര പെട്രോളിയം-പ്രകൃതിവാതക വകുപ്പ് മന്ത്രി ഹർദീപ് സിംഗ് പുരിയ്ക്ക് കത്തയച്ചു. നിലവിൽ, ഗാർഹിക ഇന്ധനം ബുക്കിംഗിനുള്ള കാത്തിരിപ്പ് കാലയളവ് നഗരപ്രദേശത്ത് 25 ദിവസവും ഗ്രാമങ്ങളിൽ 45 ദിവസവുമാണ്. ഓണക്കാലത്ത് അധിക ആവശ്യകതയുള്ളതിനാൽ, ഈ സമയവ്യത്യാസം കുടുംബങ്ങളെ പ്രതികൂലമായി ബാധിക്കും. അതിനാൽ, എൽപിജി ക്ഷാമം ഒഴിവാക്കാൻ, സംസ്ഥാനത്ത് ഗ്യാസ് റീഫിൽ ബുക്കിംഗിന് ഏർപ്പെടുത്തിയിട്ടുള്ള നിയന്ത്രണങ്ങൾ ഉടനടി പിൻവലിക്കണമെന്നും അഭ്യർഥിച്ചിട്ടുണ്ട്.

        സാധാരണ ഉപയോഗ പരിധിക്കപ്പുറം എൽപിജി ലഭ്യത ഏറ്റവും ആവശ്യമുള്ള ഉത്സവ സീസണിൽ വീടുകളിൽ ശരാശരി ഉപഭോഗത്തേക്കാൾ കൂടുതൽ പാചക വാതകം ആവശ്യമാണ്. വിനോദസഞ്ചാരികൾ മാത്രമല്ല, പ്രിയപ്പെട്ടവർക്കൊപ്പം ഉത്സവകാലം ചെലവഴിക്കാൻ ദൂരെ നിന്നുപോലും എത്തുന്ന വേളയാണിതെന്നും കത്തിൽ ചൂണ്ടിക്കാട്ടിയിട്ടുണ്ട്.

പി.എൻ.എക്‌സ്. 3185/2026