സപ്ലൈകോ ഓണം മെഗാ ട്രേഡ് ഫെയർ ഉദ്ഘാടനം ഇന്ന് (ആഗസ്റ്റ് 13)

വിപണിവില നിയന്ത്രണത്തിനും സാധാരണ ജനങ്ങൾക്ക് ന്യായവിലയിൽ ഗുണമേന്മയുള്ള ഉത്പന്നങ്ങൾ ലഭ്യമാക്കുന്നതിനുമായി സപ്ലൈകോ സംഘടിപ്പിക്കുന്ന ഓണം മെഗാ ട്രേഡ് ഫെയറിനു ഇന്ന് (ആഗസ്റ്റ് 13) തുടക്കമാകും. കിഴക്കേകോട്ട ഇ.കെ. നായനാർ പാർക്കിലാണ് മേള സംഘടിപ്പിക്കുന്നത്.  
വൈകിട്ട് നാല് മണിക്ക് നടക്കുന്ന ചടങ്ങിൽ ഭക്ഷ്യ, പൊതുവിതരണ, ഉപഭോക്തൃകാര്യ, ലീഗൽ മെട്രോളജി വകുപ്പ് മന്ത്രി അനൂപ് ജേക്കബ് ഉദ്ഘാടനം നിർവഹിക്കും. ഗതാഗത വകുപ്പ് മന്ത്രി സി.പി. ജോൺ ചടങ്ങിൽ അധ്യക്ഷനാകും.  മേളയിലെ ആദ്യവിൽപ്പന  ആരോഗ്യം ദേവസ്വം വകുപ്പ് മന്ത്രി കെ. മുരളീധരൻ നിർവഹിക്കും.  

ഗൃഹോപകരണങ്ങൾ, ടെക്സ്റ്റൈൽസ്, ലൈഫ്സ്റ്റൈൽ ഉത്പന്നങ്ങൾ, ഓട്ടോമൊബൈൽ, ഹാൻഡിക്രാഫ്റ്റ്സ്, ധനകാര്യ സേവനങ്ങൾ തുടങ്ങി വിവിധ മേഖലകളിലെ പ്രമുഖ ബ്രാൻഡുകൾ മേളയിൽ അണിനിരക്കും. ആകർഷകമായ ഓഫറുകളും വിലക്കിഴിവുകളോടെയുള്ള മികച്ച ഷോപ്പിംഗ് അനുഭവവുമാണ് സപ്ലൈകോ പൊതുജനങ്ങൾക്കായി ഒരുക്കിയിരിക്കുന്നത്. ഈ വർഷം  തിരുവനന്തപുരം, കൊച്ചി, കോഴിക്കോട് നഗരങ്ങളിൽ ഓണം മെഗാ ട്രേഡ് ഫെയറുകളും മറ്റു ജില്ലകളിൽ സപ്ലൈകോ എക്സ്ക്ലൂസീവ് ഓണം ഫെയറുകളുമാണ് സംഘടിപ്പിക്കുന്നത്. 

ചടങ്ങിൽ ശശി തരൂർ എം പി,  എം.എൽ.എ മാരായ എൻ.ശക്തൻ, വി.ജോയി, മേയർ വി.വി. രാജേഷ്, സപ്ലൈകോ മാനേജിംഗ് ഡയറക്ടർ ജയകൃഷ്ണൻ വി.എം, മറ്റ് ജനപ്രതിനിധികൾ,  ഉദ്യോഗസ്ഥർ എന്നിവർ പങ്കെടുക്കും.