Post Category
നാട്ടിലിറങ്ങിയവന്യമൃഗങ്ങളെ തിരികെവിടും;മടക്കത്തിന് തടയുമിടും
ജനവാസമേഖലയിലെത്തിയ വന്യമൃഗങ്ങളെ കാട്ടിലേക്ക്തിരികെവിടുന്നതിന് കൈകോര്ത്ത് അഞ്ചല് മേഖലാവനംവകുപ്പും കുളത്തൂപ്പുഴ ഗ്രാമപഞ്ചായത്തും. മൃഗങ്ങള് തിരികെഎത്തുന്നത് തടയുന്നതിന് മരുതിമൂട് മുതല് 16 ഏക്കര്വരെയുള്ള സൗരോര്ജവേലികളുടെ പ്രവര്ത്തനത്തിനും തുടക്കമാകും. ആന, കാട്ടുപോത്ത് എന്നിവയെതുരത്തി വനത്തിലാക്കിയാകും ‘മിഷന് വൈല്ഡ് ലൈഫ് ഡ്രൈവ്’ പ്രാവര്ത്തികമാക്കുക.
പദ്ധതിയുടെഉദ്ഘാടനം ഇന്ന് (ഓഗസ്റ്റ് 18) അജയപ്രസാദ് എം.എല്.എ നിര്വഹിക്കും. ജനപ്രതിനിധികള്, സന്നദ്ധ-യുവജനസംഘടനകള്, വനസംരക്ഷണസമിതി, പ്രൈമറി-റാപിഡ് റെസ്പോണ്സ് ടീമുകള്, സര്ക്കാര് മൃഗഡോക്ടര്, പത്തനാപുരം, അഞ്ചല്, കുളത്തൂപ്പുഴ, തെ•ല, ശെന്തുരുണി റെയിഞ്ചുകളിലെ വനംവകുപ്പ് സംഘം, പൊലിസ്, അഗ്നിരക്ഷാസേന, ആരോഗ്യവകുപ്പ് തുടങ്ങിയവയുടെ പങ്കാളിത്തത്തോടെയാകും സംവിധാനത്തിന്റെ തുടര്പ്രവര്ത്തനം.
date
- Log in to post comments