കൗണ്‍സിലര്‍ നിയമനം

ജില്ലാ പോലീസ് ഓഫീസിന് കീഴില്‍ തൊടുപുഴയില്‍ പ്രവര്‍ത്തിക്കുന്ന ഡൊമസ്റ്റിക് കോണ്‍ഫ്‌ളിക്റ്റ് റെസല്യൂഷന്‍ സെന്ററിലേക്ക് (ഡിസിആര്‍സി) കൗണ്‍സിലര്‍ തസ്തികയില്‍ കരാര്‍ അടിസ്ഥാനത്തില്‍ നിയമനം നടത്തുന്നതിന് അപേക്ഷ ക്ഷണിച്ചു. അംഗീകൃത സര്‍വ്വകലാശാലയില്‍ നിന്നുള്ള സൈക്കോളജി ബിരുദാനന്തര ബിരുദവും കൗണ്‍സിലിംഗില്‍ കുറഞ്ഞത് രണ്ട് വര്‍ഷത്തെ പ്രവൃത്തിപരിചയവുമുള്ളവര്‍ക്ക് ഈ തസ്തികയിലേക്ക് അപേക്ഷിക്കാം.

സര്‍ക്കാര്‍ മാനദണ്ഡങ്ങള്‍ പ്രകാരമായിരിക്കും ശമ്പളവും മറ്റ് ആനുകൂല്യങ്ങളും ലഭിക്കുക. താല്‍പര്യമുള്ള ഉദ്യോഗാര്‍ത്ഥികള്‍ക്ക് ഓണ്‍ലൈനായോ ഓഫ്‌ലൈനായോ അപേക്ഷ സമര്‍പ്പിക്കാം.  addlspidk.pol@kerala.gov.in എന്ന ഇമെയില്‍ വിലാസത്തിലേക്ക് ഓണ്‍ലൈനായും അഡീഷണല്‍ സൂപ്രണ്ട് ഓഫ് പോലീസ്, ജില്ലാ പോലീസ് ഓഫീസ്, ഇടുക്കി, കേരളം - 685602 എന്ന വിലാസത്തില്‍ തപാല്‍ വഴിയും അപേക്ഷ അയക്കാം. അപേക്ഷകള്‍ സമര്‍പ്പിക്കേണ്ട അവസാന തീയതി 2026 ഓഗസ്റ്റ് 31. ഇന്റര്‍വ്യൂ സെപ്റ്റംബര്‍ 10-ന് നടക്കും.