72-ാമത് നെഹ്റു ട്രോഫി വള്ളംകളി ഇന്ന്: (22) മുഖ്യമന്ത്രി വി. ഡി. സതീശൻ ഉദ്ഘാടനം ചെയ്യും കർണാടക മുഖ്യമന്ത്രി ഡി. കെ. ശിവകുമാർ മുഖ്യാതിഥിയാകും വള്ളംകളിക്ക് പുന്നമട പൂർണ്ണ സജ്ജം- ജില്ലാ കളക്ടർ ഷാജി വി നായർ

72-ാമത് നെഹ്റു ട്രോഫി വള്ളംകളി ശനിയാഴ്ച ഉച്ചയ്ക്ക് 2 ന് പുന്നമടക്കായലിൽ മുഖ്യമന്ത്രി വി. ഡി. സതീശൻ ഉദ്ഘാടനം ചെയ്യും. 
സഹകരണ-എക്സൈസ് മന്ത്രി എം. ലിജു അധ്യക്ഷനാവും. കർണാടക മുഖ്യമന്ത്രി ഡി. കെ. ശിവകുമാർ മുഖ്യാതിഥിയാകും.ആഭ്യന്തരമന്ത്രി രമേശ് ചെന്നിത്തല മാസ് ഡ്രിൽ ഫ്ലാഗ് ഓഫ് ചെയ്യും.ടൂറിസം വകുപ്പ് മന്ത്രി പി. സി. വിഷ്ണുനാഥ് പതാക ഉയർത്തും. 
മുഖ്യപ്രഭാഷണവും
സ്മരണിക പ്രകാശനവും കെ. സി. വേണുഗോപാൽ എം പി നിർവഹിക്കും.  
കൊടിക്കുന്നിൽ സുരേഷ് എം പി മാധ്യമ അവാർഡുകൾ വിതരണം ചെയ്യും.
ഡെപ്യൂട്ടി സ്പീക്കർ ഷാനിമോൾ ഉസ്മാൻ വിശിഷ്ടാതിഥികൾക്കുള്ള മൊമെന്റോകൾ വിതരണം ചെയ്യും. 
എം എൽ എ-മാരായ എ. ഡി. തോമസ്, ജി. സുധാകരൻ, റെജി ചെറിയാൻ, പി. പ്രസാദ്, സജി ചെറിയാൻ, എം. എസ്. അരുൺകുമാർ, ജില്ലാ പഞ്ചായത്ത് പ്രസിഡന്റ് എ. മഹേന്ദ്രൻ, നഗരസഭാ അധ്യക്ഷ മോളി ജേക്കബ് തുടങ്ങിയവർ പങ്കെടുക്കും.വിജയികൾക്കുള്ള സമ്മാനദാനം കർണാടക മുഖ്യമന്ത്രി ഡി കെ ശിവകുമാർ നിർവഹിക്കും.

ജില്ലാ കളക്ടറും എൻ ടി ബി ആർ സൊസൈറ്റി ചെയർമാനുമായ  ഷാജി വി നായർ സ്വാഗതവും എൻ ടി ബി ആർ  സെക്രട്ടറിയും ആർ ഡി ഒ യുമായ ജെ മോബി നന്ദിയും പറയും.

വള്ളംകളിക്കായി എല്ലാ തയ്യാറെടുപ്പുകളും പൂർത്തിയായതായും ലോകം ഉറ്റുനോക്കുന്ന ഈ ജല മാമാങ്കത്തിൻ്റെ പരിപൂർണ്ണ വിജയത്തിന് എല്ലാവരുടെയും സഹായസഹകരണവും പിന്തുണയും ജില്ലാ കളക്ടർ അഭ്യർത്ഥിച്ചു.