Post Category
ജില്ലയില് നിര്മ്മാണം പൂര്ത്തിയാക്കിയത് 257 അങ്കണവാടികള്
സംസ്ഥാന സര്ക്കാരിന്റെ ആയിരം ദിനാഘോഷവുമായി ബന്ധപ്പെട്ട് ജില്ലയില് വനിതാ ശിശു വികസന വകുപ്പിന്റെ നേതൃത്വത്തില് നിര്മ്മാണം പൂര്ത്തിയാക്കിയത് 257 അങ്കണവാടികള്. സര്ക്കാരിന്റെ വിവിധ സ്കീമുകളിലായാണ് കെട്ടിട നിര്മ്മാണം പൂര്ത്തിയാക്കിയത്. 165 അങ്കണവാടി കെട്ടിടങ്ങളുടെ പണി പുരോഗമിച്ചുവരികയാണ്. സമ്പൂര്ണ വൈദ്യുതീകരണത്തിന്റെ ഭാഗമായി 261 അങ്കണവാടികള്ക്ക് വൈദ്യുതി ലഭിച്ചു. 52 അങ്കണവാടികള്ക്ക് പുതിയതായി സ്ഥലം കണ്ടെത്തുകയും കെട്ടിട നിര്മ്മാണത്തിനുള്ള നടപടികള് പൂര്ത്തീകരിച്ചു വരികയുമാണെന്ന് വനിതാ ശിശു വകുപ്പ് ഡയറക്ടര് അറിയിച്ചു. ജില്ലയിലെ മുഴുവന് അങ്കണവാടികളിലും സോഷ്യല് ഓഡിറ്റ് നടത്തി സുതാര്യതയും പൊതുജന പങ്കാളിത്തവും ഉറപ്പു വരുത്താന് കഴിഞ്ഞുവെന്നും ഡയറക്ടര് പറഞ്ഞു
date
- Log in to post comments