കളിമണ്‍പാത്ര നിര്‍മ്മാണതൊഴിലാളികള്‍ക്കുള്ള ധനസഹായം : അപേക്ഷ ക്ഷണിച്ചു

സംസ്ഥാനത്തെ ഒബിസി വിഭാഗത്തില്‍പ്പെട്ടവരും കുടുംബ വാര്‍ഷിക വരുമാനം ഒരു ലക്ഷം രൂപയില്‍ അധികരിക്കാത്തവരും, പരമ്പരാഗതമായി മണ്‍പാത്ര നിര്‍മാണ തൊഴിലില്‍ ഏര്‍പ്പെട്ടിരിക്കുന്നവരുമായ വ്യക്തികള്‍ക്ക് അവരുടെ തൊഴില്‍ അഭിവൃദ്ധിക്കായി സംസ്ഥാന പിന്നാക്ക വിഭാഗ വികസന വകുപ്പ്  ധനസഹായ പദ്ധതിയിലേക്ക് (2019-20) അപേക്ഷ ക്ഷണിച്ചു. അപേക്ഷ സമര്‍പ്പിക്കേണ്ട അവസാന തിയതി മെയ് 25  ആണ്.  അപേക്ഷ ഫോറത്തിന്റെ മാതൃകയും ഹാജരാക്കേണ്ട രേഖകളെ സംബന്ധിച്ചുള്ള വിവരങ്ങളും www.bcdd.kerala.gov.in വിലാസത്തില്‍ ലഭ്യമാണ്. മുന്‍  വര്‍ഷങ്ങളില്‍ ആനുകൂല്യം ലഭിച്ചിട്ടുള്ളവരും, 60വയസ്സ് കഴിഞ്ഞവരും അപേക്ഷിക്കേണ്ടതില്ല. കൂടുതല്‍ വിവരങ്ങള്‍ക്ക് 0495 2377786.