പി.വി.എസ് ആശുപത്രിയില് തൊഴില് വകുപ്പിന്റെ പരിശോധന
കൊച്ചി: ജീവനക്കാര്ക്ക് നിരവധി മാസങ്ങളായി വേതനം ലഭിക്കുന്നില്ലെന്ന പരാതിയെ തുടര്ന്ന് എറണാകുളം പി.വി.എസ് ആശുപത്രിയില് തൊഴില് വകുപ്പ് പരിശോധന നടത്തി. തൊഴില് വകുപ്പ് മന്ത്രിയുടെ നിര്ദ്ദേശപ്രകാരമായിരുന്നു പരിശോധന. ജില്ലാ ലേബര് ഓഫീസറുടെ (എന്ഫോഴ്സ്മെന്റ്) നേതൃത്വത്തില് നടത്തിയ പരിശോധനയില് ജീവനക്കാര്ക്ക് നിരവധി മാസങ്ങളായി വേതനം ലഭിക്കുന്നില്ല എന്ന് ബോധ്യപ്പെട്ടു.
ജീവനക്കാര്ക്ക് ലഭിക്കാനുള്ള ശമ്പള കുടിശ്ശിക തുകയും ഗ്രാറ്റുവിറ്റി കണക്കാക്കുന്നതിന് ആവശ്യമായ സര്വ്വീസ് വിവരങ്ങളും സ്ഥാപനത്തില് നിന്നും ശേഖരിച്ചു. പരിശോധനയില് കണ്ടെത്തിയ അപാകതകള്ക്ക് മാനേജ്മെന്റിന് പരിശോധന ഉത്തരവ് നല്കി തുടര് നടപടികള് സ്വീകരിക്കുമെന്നും അപാകതള് പരിഹരിക്കാത്ത പക്ഷം പ്രോസിക്യൂഷന് ഉള്പ്പെടെയുള്ള നടപടികള് സ്വീകരിക്കുമെന്നും ജില്ലാ ലേബര് ഓഫീസര് (എന്ഫോഴ്സ്മെന്റ്) വി.ബി.ബിജു അറിയിച്ചു.
- Log in to post comments