ഇടിമിന്നലോട് കൂടിയ മഴയ്ക്ക് സാധ്യത

മെയ് 25 വരെ കേരളത്തിലെ ചില ജില്ലകളിലെ  ഒറ്റപ്പെട്ട സ്ഥലങ്ങളില്‍ വൈകുന്നേരങ്ങളില്‍   ഇടിയോടുകൂടിയ ശക്തമായ  മഴയും, മണിക്കൂറില്‍ 30-40 കിമി  വേഗതയില്‍  കാറ്റും ഉണ്ടാകാന്‍ സാധ്യതയുള്ളതായി കാലാവസ്ഥ  നിരീക്ഷണ കേന്ദ്രം അറിയിച്ചു.  ഈ സാഹചര്യത്തില്‍ നേരത്തെ പുറപ്പെടുവിച്ചിട്ടുള്ള ഇടിമിന്നല്‍ ജാഗ്രത നിര്‍ദ്ദേശങ്ങള്‍ പാലിക്കണമെന്ന്  സംസ്ഥാന  ദുരന്ത നിവാരണ അതോറിറ്റി മുന്നറിയിപ്പ് നല്‍കി.