സുവര്‍ണ്ണനേട്ടത്തില്‍ ജയരാജന്‍

50 വയസിനു മുകളിലുള്ളവരുടെ മാസ്റ്റര്‍ 2 വിഭാഗത്തില്‍ 74 കിലോഗ്രാമില്‍  മത്സരിച്ചാണ്  കോഴിക്കോട് സ്വദേശി സി.ജയരാജന്‍ സ്വര്‍ണമെഡല്‍ നേട്ടം കരസ്ഥമാക്കിയത്. 28 വര്‍ഷത്തിലധികം പവര്‍ ലിഫ്റ്റിംഗ് രംഗത്ത് സജ്ജീവ സാന്നിധ്യമാണ് ജയരാജനെങ്കിലും ദേശിയതല മത്സരങ്ങളില്‍ ആകെ 3 തവണമാത്രമാണ് മത്സരിച്ചിട്ടുള്ളത്.സംസ്ഥാന, ജില്ലാതല മത്സരങ്ങളില്‍ വിവിധ ഇടങ്ങളില്‍ പങ്കെടുക്കുകയും നിരവിധി സമ്മാനങ്ങള്‍ സ്വന്തം പേരില്‍ കുറിക്കുകയും ചെയ്തിട്ടുണ്ട്  ഈ 51 കാരന്‍.കോഴിക്കോട് വ്യവസായശാല നടത്തുന്നതിനിടയിലും ചിട്ടയായ പരിശീലനവും അര്‍പ്പണ മനോഭാവവുമാണ് തന്റെ നേട്ടത്തിന് വഴിയൊരുക്കിയതെന്ന് ഇദ്ദേഹം പറയുന്നു. സ്‌ക്വാട്ട് വിഭാഗത്തില്‍ 175.5, ബെഞ്ച് പ്രസ് വിഭാഗത്തില്‍ 112.5, ഡെഡ്‌ലിഫ്്റ്റ് വിഭാഗത്തില്‍ 210 എന്നിങ്ങനെ ആകെ 500 കിലോ ഭാരമുയര്‍ത്തിയാണ് ജയരാജന്‍ സ്വര്‍ണനേട്ടം കൈവരിച്ചത്