പട്ടണക്കാട് ബ്ലോക്ക് പഞ്ചായത്ത് ലൈഫ് മിഷന്‍  കുടുംബ സംഗമം ഇന്ന് (11/1/2020)

ആലപ്പുഴ: പട്ടണക്കാട് ബ്ലോക്ക് പഞ്ചായത്തിലെ ലൈഫ് മിഷന്‍ ഗുണഭോക്താക്കളുടെ കുടുംബ സംഗമവും അദാലത്തും ഇന്ന് (11/1/2020) രാവിലെ 9.30 മുതല്‍ തുറവൂര്‍ ടി ഡി ഹൈസ്‌കൂളില്‍ വെച്ച് നടക്കും. കുടുംബ സംഗമത്തിന്റെയും അദാലത്തിന്റെയും ഉദ്ഘാടനം ഭക്ഷ്യ പൊതു വിതരണ വകുപ്പ്  മന്ത്രി പി തിലോത്തമന്‍  നിര്‍വഹിക്കും. ഷാനിമോള്‍ ഉസ്മാന്‍ എം എല്‍ എ  അധ്യക്ഷത വഹിക്കും. എ എം ആരിഫ് എം.പി മുഖ്യ പ്രഭാഷണവും ജില്ല കളക്ടര്‍ എം അഞ്ജന  പൂര്‍ത്തീകരിച്ച വീടുകളുടെ താക്കോല്‍ ദാനവും നിര്‍വഹിക്കും. ബ്ലോക്ക് പഞ്ചായത്ത്  പ്രസിഡന്റ് മണി പ്രഭാകരന്‍,  വൈസ് പ്രസിഡന്റ് സി റ്റി വിനോദ് തുടങ്ങിയവര്‍ പങ്കെടുക്കും. 

 ഇരുപതോളം വകുപ്പുകളുടെ സേവനവും അദാലത്തില്‍ ലഭ്യമാകും. തദ്ദേശ സ്വയംഭരണ സ്ഥാപനങ്ങള്‍, സിവില്‍ സപ്ലൈസ് വകുപ്പ്, കൃഷി വകുപ്പ്, സാമൂഹ്യനീതി വകുപ്പ്, കുടുംബശ്രീ, ഐ.ടി., ഫിഷറീസ്, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, വ്യവസായ വകുപ്പ്, പട്ടികജാതി പട്ടികവര്‍ഗ വകുപ്പ്, ക്ഷീരവികസന വകുപ്പ്, ആരോഗ്യ വകുപ്പ്, റവന്യൂ, ശുചിത്വമിഷന്‍, വനിതാ ശിശു വികസനം, ഗ്രാമവികസന വകുപ്പ്, പബ്ലിക് റിലേഷന്‍സ് വകുപ്പ് തുടങ്ങിയ വകുപ്പുകളുടെ സേവനം അദാലത്തില്‍ ലഭിക്കും. അദാലത്തില്‍ പങ്കെടുക്കുന്ന ഗുണഭോക്താക്കള്‍ക്ക് അപേക്ഷ എഴുതി നല്‍കാനായി പ്രത്യേക കൗണ്ടറും സജ്ജീകരിച്ചിട്ടുണ്ട്. പങ്കെടുക്കാനെത്തുന്നവര്‍ ബന്ധപ്പെട്ട രേഖകള്‍ ഹാജരാക്കണം.